مُتنفس .. شِعري !

[زايد الشليمي]

أذوق طعم الشمس لين انْحَرَقْ ظِلْ
وأدندِن الغيمة على عود زرياب
:
ياما ضحكت وقلت يا القادم أجملْ
يطير من صدري عصافير واحباب
:
جييتك قصيدة (دم )ماهي خِذْ وُخَلْ
للدمعة الحمرا تنصّبت عرّاب
:
شاعر يخيط الغيم ويرقّص الفُل
ويطشَّر القمرا على خدْ عنّاب
:
باقي على ذكراك بالسطر الأوّل
أَبَرْوِزْ جروحي.للاحباب محراب.
"( زَاْيٍـــد )

[سليمان عباس]

ابعرف ليه اسمه عيد
لأنه عاد بالذكرى
ضغط كل ما مضى في عام
وصبّه فيك في ساعه.
أو أنه نافذة تفتح
يجي منها الهوى
بعد اختناق العمر وأوجاعه.
أو أنه حضن متأخر
وصل في وقت
مل النبض أطماعه.
أو أنه طفل
يمرح في ضمير الشيب
يتصادم بأضلاعه.
أشوف كل ما كبّر
يرتب ما بداخلنا
ويعلى صوت مذياعه.
ابعرف ليه لا أقبل كغيمة
فوق يبس القلب
يغسل بهجة شراعه.
أنا مدري… أنا مدري
يمر بينا يواسينا
وعلينا يفرض أو ضاعه.
أنا مدري ولكني
سألته يوم
ما جاوب
ولا أرخي لي أسماعه.
كأنه ما يبي يشرح
يقول: افرح
عليك السمع والطاعه.



سليمان عباس

[سليمان عباس]

1
تعالوا نصيغ تفعيله
نلم الحرف والمعنى
بلا كلفه
ندفي اضلوع مرتجفه
بلا حيله
كذا بكامل بساطتها
واناقتها
يحركنا الشعور العذب
مفاعيلن
نهر يجري على مهله
ولا عكّر صفاء الما
ولا صحىّ وجع ساكن
ولا يفتح نوافذ ريح
تعبنا من سواد الليل
وعالم يعشق التجريح
مفاعيلن
حضن دافي لصدرٍ ضاق
سؤاله بعثر الأعماق
ضجيج وثرثره وتهويل
وقال وقيل
نبي معنى يجي مرهف
مثل ظل الشجر باذخ
ظليل وينبذ التضليل
مثل همسه
مثل لمسة
على راس التعب ننسى
سهام الويل



2
مفاعيلن
تقول اصبر
بحكمه تمطر وتزهر
ولا يرهبك ما ينقال
نبي نمشي بخفة روح
نحط فارس
على باب الصدر حارس
يمرر طيب للداخل
يحارب لجل راحتنا
إذا ضاق الفضا بينا
يبعثر من ايادينا
مواجعنا ونلاقينا
قصيدة تزفر الضيقه
مفاعيلن…
تردّدنا
صدى يرجع يداوينا
بكلمة
ترسم البسمه على وجه التعب والناس
نبي نكتب
لجل نرجع
لصوت أعماقنا القائل
ترى الأقدار مكتوبه
وباقي في زمنّا خير




3
مفاعيلن
تهدهدنا على كتف الأمل نمشي
نخفّف حمل هذا الدرب
وتقصّر ضيقة الأيام
نعلّم قلبنا ينسى
ضجيج الخوف لو يعلى
ونزرع في زوايا الروح
نوافذ نور مفتوحه
مفاعيلن
تلملمنا على معنى اذا شبنا
شبيه بطيبة الأطفال
إذا ضحكوا بلا نكته
نبي معنى معاه الصدر
يتوسع
بلّلطف الخفي مؤمن
مفاعيلن
تقول: احذر
ترى في داخلك جنّه
إذا رتّبت أعماقك
بتكتبها وتتغنى



سليمان عباس

[نورة القحطاني]

يستظل الحزن في عين الشقا والدمع حاضر !
‏يشبه الفصل الاخير من المشاريه الطويله !

‏غايبٍ رغم الحضور الطاغي الموجع يكابر !
‏في تفاصيله شعور يعانده ويهدّ حيله !

نورة القحطاني

[سليمان عباس]

بين ظل النور فكره
اغتنمها لا تروح
دام ان الوعي سكره
والحبر صفحه وروح
والجروح
لا تفكر في الجروح
لا تعيش الأمس .. بكره ..!

***

الحزن ماهو حزين
الحزن لون السنين
عتمة تستنى ضيا
ظل يمشي ماسك ايد النور
في حب وحيا
يتهامسون
ما خُلقنا للأنين

الحزن والفرح خلطة
لجل تركيز الوضوح
والجروح
لا تفكر في الجروح
لا تعيش الأمس بكره

***

واخر الاحساس طفرة
ترتعشه ربكه ويقين
قالها النواب مره
( موحزن …لكن حزين)
هل تعوّدنا الجراح؟
أو نسينا عمر راح؟
أو تمادى الهمّ فينا
بعثر إحساسٍ دفين
تختلط اظلاعنا
داخل صدور
بس لازم نبتسم
والجروح؟
لا تفكّر في الجروح
ازرع الأفراح بذرة
لا تعيش الأمس بكرة


****

سليمان عباس

[زايد الشليمي]

:
صراحة بجيّتي فزّيت وفزت وكنها أعياد
دريت انك تبي تشمت وجيتك كنني عاري


"( زَاْيٍـــد )

[رشا عرابي]

في داخلي صورة جِدار
من كِثر ما صادف صروف

استاء في لحظة سُقوطه
(يوثّق أسلوب انهيار)!...


رشا~

[نورة القحطاني]

‏ليت ما للقلوب المستحيلة وطن !
‏أتعبتنا بحسّ المستحيل اللعوب !


نورة القحطاني