مُتنفس .. شِعري !

[زايد الشليمي]

أذوق طعم الشمس لين انْحَرَقْ ظِلْ
وأدندِن الغيمة على عود زرياب
:
ياما ضحكت وقلت يا القادم أجملْ
يطير من صدري عصافير واحباب
:
جييتك قصيدة (دم )ماهي خِذْ وُخَلْ
للدمعة الحمرا تنصّبت عرّاب
:
شاعر يخيط الغيم ويرقّص الفُل
ويطشَّر القمرا على خدْ عنّاب
:
باقي على ذكراك بالسطر الأوّل
أَبَرْوِزْ جروحي.للاحباب محراب.
"( زَاْيٍـــد )

[سليمان عباس]

ابعرف ليه اسمه عيد
لأنه عاد بالذكرى
ضغط كل ما مضى في عام
وصبّه فيك في ساعه.
أو أنه نافذة تفتح
يجي منها الهوى
بعد اختناق العمر وأوجاعه.
أو أنه حضن متأخر
وصل في وقت
مل النبض أطماعه.
أو أنه طفل
يمرح في ضمير الشيب
يتصادم بأضلاعه.
أشوف كل ما كبّر
يرتب ما بداخلنا
ويعلى صوت مذياعه.
ابعرف ليه لا أقبل كغيمة
فوق يبس القلب
يغسل بهجة شراعه.
أنا مدري… أنا مدري
يمر بينا يواسينا
وعلينا يفرض أو ضاعه.
أنا مدري ولكني
سألته يوم
ما جاوب
ولا أرخي لي أسماعه.
كأنه ما يبي يشرح
يقول: افرح
عليك السمع والطاعه.



سليمان عباس