مُتنفس .. شِعري !

[سعيد الموسى]

*
______
*

مو ضِدّك وربي .. أبد !
لَكِن ، ولا حَتى معك !
مالي عداوه بهالبلَد!
مااحتاج تخدع " وأخدعك " !

[صالح العرجان]

انا اشهد انك غير عن كل هـ الناس
وحبك بعـد يا معـذب خافقي غير


واكبر دليل اني على كل قرطاس
اكتب [ احبك ] باختلاف التع ـابير

[سعيد الموسى]

*
_______

أنا آسف .. على الإزعاج
__ أنا اللي جابني .. قلبي
وربي مانويت إحراج !
__ ولكن تاه بي دربي !

[صالح العرجان]

لا تقول اشتقت واشوفك تغيب
خابر المشتاق ما يبعد .. أبد

[إبتسام محمد]

،
،


يقولون : تتلاقى الارواح قبل العيون
وأنا أقول :
روحي طلعت ولا بتشوفك عيوني ..

[سعيد الموسى]

لاشفت لك ظبي في مكه ..
حرام صِيده ، وش تسوي ؟
لا سلهم يصيبك بربكه !
داخل حدود الحرم " تنوي" ؟

[سعيد الموسى]

لدّي إحترام شديد شديد للأشخاص الذين عندما يودون معاتبتك تفوح منهم رائحة العود !
إذ حتى علاقتك معهم فيما لو إنتهت ، هذا " لو " !
تنتهي بعظمه وكبرياء ، تنتهي ب طِيب وشموخ واعتزاز
وحينها صدقني لن يكونوا هم السبب بل " أنت "
يقول البدر وهذا أكبر عتب للبدر " يعني زعلان " من محبوبته

سلامة رماحك اللي جرحها غالي
طعنتني غاضب لين أنكسر رمحك
لو قلت لي كان أجرح حالي بحالي
لا عاش قلبٍ جزع وارتاع من جرحك
لاجلك جروحي غدن اليوم عذالي
ذميت ظلمك وأنا من عادتي مدحك
ياليت لي ذنب وألقى علقمك حالي
وياليت بك عدل .. وأرضى فـ الهوى ذبحك
ياسيدي وإن نويت تزيد غربالي
قلي وأنا أبعد ظلامي عن سنا صبحك
لو ما يسرك أطو ل الشمس بجبالي
مايكفي إن عشقت جبالك وسفحك
كل الهوى بالهوى يزهى ويختالي
وأنا الذي في خسارة عزتي ربحك
ياعل ماتزهرالأشجار في رمالي
لو أعتذر عن شموخي في رجا صفحك
سلامة رماحك الي جرحها غالي
طعنتني غاصب لين أنكسر رمحك

بالله فيه زعل لذيذ مثل كذا ؟

[صالح العرجان]

ما نسيتك لو تحس اني نسيت
سيرتك للحين تـــملاني حضـــور