مُتنفس .. شِعري !

[عبدالله عليان]

" نَزَفَ البُكاءُ دُموعَ عَينِكَ فَاِستَعِر

عَيناً لِغَيرِكَ دَمعُها مِدرارُ

مَن ذا يُعيرُكَ عَينَهُ تَبكي بِها

أَرَأَيتَ عَيناً لِلبُكاءِ تُعارُ "

[رشا عرابي]

" نَزَفَ البُكاءُ دُموعَ عَينِكَ فَاِستَعِر

عَيناً لِغَيرِكَ دَمعُها مِدرارُ

مَن ذا يُعيرُكَ عَينَهُ تَبكي بِها

أَرَأَيتَ عَيناً لِلبُكاءِ تُعارُ "


أرأيتَ عيناً للدموع تُعارُ....!

[إعادةُ تهيئة لـ قفار الروح]
نحتاج ذائقة تلمسُ أرواحنا
تجيدُ ذائقتك هذا يا عبدالله

لقلبك الفرح~

[عبدالله عليان]

تفضل صاحبي أقلط تفضل خاطري يدعيك
رغم كل الجفا اللي تدعي لازلت في بالي

أحبك ياغبي وأدري تقول ان البخت ناسيك
وانا معقول انا بنسى وانت الصاحب الغالي

هلا والله هلا والله لك الله جاب لي طاريك
زوايا غرفة المنفى وكاسة شاي سريالي

ع . آل شيبان

[نورة القحطاني]

كنت أول احساسي وغاية شعوري
واصبحت بعدك لامشاعر ولاحس !

تبلدت كل المشاعر .. و دوري
أجامل اشعورٍ تعاني به النفس !

[سعيد الموسى]

_____

قم .. تعال !
خذني
لهذي الغيوم !
قم تعال !
ودي المس هالنجوم !
قلي إن الغيم
طفل !
والسما الزرقا
هي امه!
أحك لي
أيّة حكايه!
لين أنعس
ثم أنام!

[سعيد الموسى]

كان ياما كان ..
‏شاعر !
‏كان ينزف ..
‏دمّ شعره !
‏كان ينقش عالورق !
‏كان يعجبه..الغرق !
‏قيّدوه
‏وقالوا : أكتب !
‏قال :مقدر
‏قالوا أكذب !
‏قال مقدر ..
‏هاتوا إيدي !
‏فكوا أغلال
‏الخيال !
‏قالوا إنته مو طبيعي !
‏مبدئك ماهو حقيقي !
‏شوف كل الناس
‏ تكذب!
‏إكتب..إكتب !
‏قيدوه
‏وكيف يهرب؟

______

[سعيد الموسى]

____

قلت سلمى ..
قالت : إكتب !
قلت صدري ..
طفل مُتعب !
قالت إكتب ..
طيّب إكتب !
قلت إيدي
هاتي إيدي !
من رحلتي ..
كيف أكتب ؟
قالت أكتب ..
ماعليه إن كنت تكذب !
قول :
إن إنته بخير ..
خل صدري يطمئن ..
والله لقلبك .. أحنّ !
مامضى ليل الغياب .. الا ذكرتك !
مالمحت الغيم مرّه .. إلا شفتك !
الله يسعد طِيب قلبك ..
إكتب .. إكتب !
خلني أتطمن عليك ..
واللي يرحم والديك !
ماآعرف لك
صوت .. وارض!
فاقده هالناس
.. بعدك !
ليش تقلقني عليك ..
إكتب ..
إكتب !
لوّ تكذب ..
ماعليه!
طمن الذكرى عليك !

[عبدالله عليان]

" حرب البعد "

والله .. لو للوقت معنى وقيمة
في حب غيرك ما اعتقد فيه طشنا

تبقى نظر عيني وقلبي وديمة
وتبقى الوحيد اللي حضوره وحشنا

انت فضاء روحي وانت سديمة
ومعك العمر لوكان يومين عشنا

وبين إنتظاري والنوايا السليمة
هبت هبايب خاطري من عطشنا

ترعد وتبرق والمشاعر يتيمة
وانا وبعض الذكريات ابتلشنا

ومع ذا لو إن الحرب دايم لئيمة
مادق مسمار النوى في نعشنا

صحيح ما احب بـ غلاك الهزيمة
لو إن حرب البعد منها ارتبشنا

تبقى نظر عيني وقلبي وديمة
وتبقى الوحيد اللي حضوره وحشنا

عبدالله العتيبي