مُتنفس .. شِعري !

[سعيد الموسى]

أنا آسف على الإزعاج !
أنا اللي جابني قلبي !
وربي مانويت ... إحراج !
ولكن ضاع بي .. دربي !

[سعيد الموسى]

شبيه الريح وش باقي من الالام والتجريح..
وش باقي من الاحلام..
وش باقي من الاوهام..

غير اني ألاقي في هجيرك فيّ..
وألاقي في ظلامك ضيّ..

وأوقد شمعتي في الريح..
شبيه الريح..

شبيه الريح انا ما اقدر اكدر صفوك العاصف..
شبيه الريح انا من لي سوى احساسك الجارف..
بقايا زيف اشواقي ..
سما أمطار أحداقي..
شبيه الريح وش باقي..

ابي اعرف متى تسكن رياحك..
وابي اعرف غرورك هو متى يطلق سراحك..
وابي اعرف متى تعصف، ومتى تعطف، متى تنزف جراحك..
وابي اعرف اذا باقي في بحرك موج اكسر فيه مجدافي..
وابي اعرف اذا باقي في همك هم ما شالته اكتافي..
وابي اعرف اذا باقي في هالدنيا حزن ما مرني واستوطن اطرافي..
بقايا زيف اشواقي ..
سما أمطار أحداقي..
شبيه الريح وش باقي..

سنيني يم، وقلبي المركب المتعب وانت الريح..
مجاديفي عذاب وهم، وزاد الوجد والتبريح..
وصبري صبر بحارة بغو في اليم محارة..
غشاهم موج كان من الغضب اغضب..
وكانوا للهلاك اقرب، لولا كثروا التسبيح..

حبيبي الأصدق الأكذب..
تعبت اوصل شواطئ طبعك الأعذب..
تعبت اجمع الم كل الموادع في الموانئ واحضن اطيافك..
تعبت السهد في ليل الشوارع والثواني تنطر مصابك..
تعبت الظلم واجحافك..
بقايا زيف اشواقي..
سما أمطار أحداقي..
شبيه الريح وش باقي؟
*
________

لاأحد كتب التناقضات مثلما كتبها عبدالرحمن بن مساعد
رغم عنصريتي للبدر ، إلاّ أن عبدالرحمن بن مساعد مدرسة شعرية لاتقل عن البدر
هذا له أسلوبه وهذا له أسلوبه المختلف ...
عبدالرحمن مساعد يميل للرمزية والتناقض داخل النص بدهاء لامثيل له ، عكس البدر الذي يكتب عفويته بذكاء شديد
.
.
عبدالرحمن له نصوص فعلاً تُدرس !

[سعيد الموسى]

أصحي !
أحسّ الكون عازف
معه عود !
يعزف وعزفه لحن شادي وغيمه !
يمشط الأوتار !
كردان / بوساليك / ياكه / عشيران / دوكه / نوا / موزونة لــ فا حجازي !
حفلة شعور ورقصة أوراق
بيضا !
زحمة شعر عزفة مطر
ربكة إيدين !
إصحي وشوفي
سطري الأوحد العذب !
في آخر الحفله
يلملم يدينه !
إصحي لأن الشمس
في عينك أحلى !
إصحي : طيور الأرض
تنده جبينك !

[سعيد الموسى]

المُتهَم : قايد الحربي
الجريمة : جنحة الشعر
تفاصيل الجريمة كالتالي :

إلَى ... ، وَ اسْكِتْ !
وَ لا يَمْلى الْفرَاغْ الاّ فَراغْ امْلاء
ــــــــــــ .. وَ لا تَمْلَى لِيَ الإمْلا فَرَاغَاتي
تِراوِدْنيْ الْكِتَابَه بَسّ بِاسْتحْيَاء
ــــــــــــ وِ يِقطّعْنَ الْحُروْفِ يِديْنِ ممْحَاتِي
:
[ إلَى ] يَا حَرْف ..
لِقِيتِك بسّ ضَاعَ الظّرْف !
أيَمّمْكِ،وْ تِوَلّينِيْ لشَطِرْ وِجْهَهْ
ـــــــــــ يِجَغْرِف تِيْهَهَا تَارِيْخنَا الهِجْرِيْ
يِجيْنيْ اليَوْم وِلكِنْ مَاعَرِفْ وَجْهَهْ
ـــــــــــ يِوَصّيْ بُكْرَه بوَصْلِيْ قَبِل هَجْرِيْ
:
إلَى ..إسْكِتْ !
إلَى .. وَ اسْكِتْ !

_______

الإدانه: مُذنِب بتهمة الشعر
.
.

تم القبض !

[عبدالله السعيد]

سعيد

هو المتنفس الحقيقي للشعر
والموسى ..

[صالح العرجان]

عمر الأمــاني ماشكت لوعت اليـأس
................ دام القـلـوب اللـي أبيها تبيني


ابو الجوري المكان هنا اكبر من الكلمه ومعناها ( وعليك الاحساس ) .. ؟!

[سعيد الموسى]

سعيد

هو المتنفس الحقيقي للشعر
والموسى ..

وأنت الرئة الثالثة ياعبدالله
السعيد : ]

[سعيد الموسى]

عمر الأمــاني ماشكت لوعت اليـأس
................ دام القـلـوب اللـي أبيها تبيني


ابو الجوري المكان هنا اكبر من الكلمه ومعناها ( وعليك الاحساس ) .. ؟!

حط سطر فاضي وأفهمك ... : )

عطّر المكان يابوعبدالله والله إن حضورك عطر ودهن عود معتق