مُتنفس .. شِعري !

[سعيد الموسى]

الشعر هو:
سماءٌ ثامنه ، لصدرك!
.
.
تنفّس !
ليس هنالك ضريبة على التنفس أليس كذلك ؟
صدرك لك ، صوتك لك ، أنت لك
مارس حريّة الشعر لأنك تقريباً لاتملك غيرها ، إذ أنني قلت صدرك لك وصوتك لك وأنت لك والحقيقة أنك حتى أنت ..
لست لك !
ولكن على الأقل : هنالك أكسجين لحد الآن ، وليس لك " للكل طبعاً "
ولكن صدقني : شعرك لك وحدك ولو قاسموك فيه الناس !
هو نطفة قلبك وعقلك وحواسك !
أكتب " تنفس "
،
______
متصفح تفاعلي ، ل شعوركم شِعراً ، نثراً
🌷

[سعيد الموسى]

تكبر
عشان الفرح
يكبر !
بيدينها
لين وجنتها !
تكبر
عشان الورود تقول :
يايانعه
إنتي الأجمل !
تكبر لجل ترمي
المريول !
وتقول : أنا كبرت
ياماما !
تكبر لجل
تجتهد أكثر !
تسهر
وتنجح
وتتفوق !
تكبر وهي تنتظر
فارس !
والفارس المبتئس : عاطل !
تسهى وتبني لها
أحلام !
وآخر تعبها : سرير الآه !
من عقب ماكانت الأجمل !
صارت فريسه
لـــ ناب الحزن !
من عقب ماعينها
قنديل !
صار الكحل أسفل الوجنه !
من عقب ماخدّها
راوي !
أصبح غصن ذابل ٍ ميّت !
*
*
تكبر
عشان إيش يامحمّد ؟
يارب هالبنت
لاتكبر !
*
*
هالمجتمع ماهو بثيّب !
ـــــــــ والبنت عذراء من أحزانه
.
.
هالبنت ياناس لاتكبر !
ــــــــــ قولوا لها تلبس المريول !

[سعيد الموسى]

ودي أقول إني أحبك .. وخايف!
‏مابين أحبك لين .. أحبك ، مسافه!
‏في ذمتي لاشفت .. حمر الشفايف !
‏قلت النساء من بعد زولك ..حسافه!

[سعيد الموسى]

تغريني الإيدين
‏... لامن تحنّت !
‏الثلج ذايب ...
‏دام بآخره جمره !
‏يغريني الخال ...
‏إن سكن فوق ثغرك !
‏شيخ ٍ صغيّر ...
‏بس شايل قبيله !

[صالح العرجان]

يا اقرب لي من نفسي

انت كالنوته اصل لكل لحن تغنيه الموسيقى
لا يسعني الا ان احظر مظلتي واستمتع بصوت المطر
الاجواء هنا ( جوناااااان )

رد ود

[صالح العرجان]

يوم الحزن يسري و الأحباب نيّام
............. سريت يُمّه .. ماتلحّــفت حيفي !!

هذاك أنا نفس الطفل بس الأيام
............. خلّتني أكبر غصب ماهو بكيفي !!



ذائقه

[صالح العرجان]

لك ثلاث أيام في عيونك عتب
ريح أهدابك عسى عمرك طويل ،،

يمكن أكتب فيك شي ما نكتب
ويمكن أوصل بك حدود المستحيل ،،

ليه مختار السكوت بلا سبب ..!!
لا كـلام ولا مــلام ولا دلــيل ،،

ليا متى حزنك يجامله الهدب
سولفه والا اتركه دمعٍ يسيل ،،

سولفه ما كل صمتٍ من ذهب
كم عزيزٍ راح من صمته ذليل ،،

يا حبيبي خابرٍ صدرك رحب
مايضيق بدمعة الحزن العليل ،،



ذائــقـــه

[رحيل]

؛

‏قد يهون العمر إلا ساعةً
‏وتهون الأرض إلا موضعا *

لشاعرها .


شكرا جدا لهذا الرئة الشعرية 🌷