نَافِذه !

[سعيد الموسى]

_

_______

_


إنتي آخر مااخافه ..
‏وأنتي أول .. أرتجافه !
‏لو طعنّي الكون كلّه
‏أنتي سيفي ..
‏اللي أسلّه !
‏ياحلو جرحك
‏.. أبيه !
‏بس هيّ تقوى
‏.. يديه ؟
‏يابعد .. كل الوجيه ..
‏عشت هالدنيا
‏.. غريب
‏ماهو فارق
‏.. لو أغيب !
‏بس تدرين ..
‏المعيب ؟
‏لو هي طعنه ..
من حبيب !

[سعيد الموسى]

-
قلّ عن الشعر المُجغرف :
كل هالأسماء : تغرِف !
كنت ياما
كنت : أعزف
لين هالنوتات : تنزف !
لاتعلّم -
منهو علّم !
هو بهذا النزف :
أعلَم !
ياحبيبي
وأنت حرفي
وأنت والله
كِل نصفي
كيف ظِلّك -
ماهو ظِلي ؟
وأنت ماتحتاج
شمس !
لا
ولا يخفيك .. لمس !
فالشروق - وفالغروب
تعبر بكل الدروب !
كيف ماشافوك :
وحدك
أنت وحدك بسّ :
قدّك !
ماني ندّك ، نختلف !
أنت وحدك
ندّ ندّك !
هذا وانت اللي قيامك
وحده يساوي مقامك !
لو عليّ ..
أربك .. بلد !
بس قلّي :
فيه أحد ؟

[سعيد الموسى]

_



من أعادي ؟
كيف أحارب ؟
وأنتي روحي
اللي ألمها
جزء من روحي
لـ روحي !
يعني حتى
لو أبقسى
كيف هذا الشي يُنسى ؟
كيف أرد الجرح
.. جرح ؟
والله اني قبلك
.. أنزف !
أكثر الأشياء
.. "ذنب "
لاطعنت ..
اللي " تحب !"
كيف أفهمك
" الوفاء " ؟
في زمن .. كِله رياء !

[سعيد الموسى]

-
الإهداء لعبدالله زنان ..

قل للجبال اللي على مفرق السيل
__ أنا جبل ثابت يُدّل .. بمكانه !
أمّا كذا والا ترى الوقت للميل !
__ وإن مال " نثبَت " شامخين برزانه
ياسيّد الغيمه ويا .. كل ماقيل !
__ ومابعد ينقال .. مثلك تكانه
علمتنا أنّ الطِيب ماهو فناجيل
__ والا ترى الصبّاب شيخ لزمانه
أو هو سفيه يلّم بعض المهابيل
__ بين الرخوم يرائي بذبح ضانه !
الطيب قِبلَة في وجوه الرجاجيل!
__ واذا الحكي عنّك فيَا كُبر شانه
تبقى المراجل فعل قبل المداهيل
__ وإذا عن المدهال صدرك " كِنانه " !
لو أفترض : كتفك بها تركض الخيل!
__ قل للذي راهنك ، يسحب رهانه

[سعيد الموسى]

عن الوطن :
_

أنت مايكفيك شِعر
أنت شعر
وأنت عطر
أنت كائن -
ماأنت أرض
أنت أهل
وإنت عِرض !
أنت موطن ؟
بس موطن ؟
أنت أكبر - أنت أعظم
يابلد .. تكفي بلد ؟
أنت أبوي
وأنت أمي والولد ..
أنت كنزي ..
وراس مالي !
وأنت حبّي
اللي ورثته ..
وأورثه بعدي : عيالي !
يابلد أم القرى ..
أنت من عينك : نرى
حتّى حكامك : ملوك
ماهو حيّ الله .. ملوك
هذا أبوك .. وهذا أخوك
ماحصل يوم .. خذلوك
كثر ماهم .. كرّموك ..
كثر ماهم .. يرفعوك
من سواعدهم : بنوك
من يساومنا عليك ؟
نبتر إيده : مايجيك
" السعودي مايخاف "
قالها محمد .. وناف
كلمتين بلا خلاف ..
مابها حتّى أختلاف ..

[سعيد الموسى]

-

كان في هالشمس شمسٍ من غضب
__ غيمتين من الرضا .. ثِم تنسدل
لين تمطر أرض صدرك ، وتْعشب
__ ياللي أسمك منه رسمك يستدل !
سامحي الأزهار لو صارت قصب !
__ هو لهذا الناي عزف ٍ معتدل ؟
ياللي رمشك ينزف البارح عتب !
__ كيف شِعري منه شَعرك ينجدل ؟

[سعيد الموسى]

_

أزِف الرحيل ..

[سعيد الموسى]

_

شفت كل الناس
‏تبكي
‏قلت ابكي
‏شفت كل الناس
‏تجرح
‏م اعرف اجرح
‏قبلهم والله ..
‏أنزف !
‏شفت كل الناس
‏تظلم
‏قلت اعفي
‏مااتركوني!
‏شوهوا حتى يديني..
‏مزقوا .. سطري
‏وحبري !
‏قمت ألملم
‏مابقى لي !
‏درت وجهي ..
‏وقلت : أمشي !