نَافِذه !

[سعيد الموسى]

ملِنا وضاقت أرضنا ..
بس ماانكسرنا - لا أبد !
يا ما نهزّ آمالنا ..
مثل الطفل إذا انولد !
لانامت ولا هي صحت
لا هي صرخت أو هي سكتت !
شبنا
وشابت روسنا ..
ولا كبرت
ولاصغرت !
باقي بمهدها تنتظر ، والأرض مافيها مطر !

[سعيد الموسى]

*
____

*
أزرت يدين الوقت تكسر ثباتك !
‏_ ويمر بك عطرٍ مع الريح : يبكيك ؟
‏تسترجع الذكرى وكل أغنياتك !
‏_ واحبابك اللي أمس : كانوا حواليك !

[سعيد الموسى]

*
__

*

مابين إيه - ولا - تاهت دروبك
‏_ لاالرجعه الأسلم ولا التكمله صح
‏حتى وقوفك مايعالج ندوبك !
‏_ المنتصف هذا شبه خنجر وجرح !

[سعيد الموسى]

من عليه أحط كتفي واعتكز ؟
‏_ والحياة بكل " كتفٍ " فانيه !
‏شوفني مازلت صامد مرتكز !
‏_ يااااااه كم احتاج " عيشه " ثانيه !

[سعيد الموسى]

كن صدري داخله جثّة كلام !
‏_ كيف أطلّعها وهي مترمده !
‏لايدين ولا شفاه ولا قوام !
‏- مابقى الا صمت ماله أورده !
‏آه من يقرا على همي وانام ؟
‏- يلعن الخناس حتى يبعده !

[سعيد الموسى]

_

لاتهز الجرح يتساقط " وجع "
_ نخل همّي ممتلي فيه الرطب !
كل قمري في طرف صدري هجع !
_ مايطير الا ّوترك غصني حطب !
يبني الأعشاش لكن مارجع !
_ لا تلوم الغصن لو هو ينعطب !

[سعيد الموسى]

*
___

*
‏مااغربك !
‏الكون ناوي يقتلك !
‏وانته توّزع بسمتك !
‏مااغربك !
‏كلما تهاوت دمعتك
‏لين أسفل آخر تربتك !
‏قلت اسقي الماء ليدي !
‏لعلّ تثمر " ضحكتي "
‏مااكرمك !
‏كم تهدي الناس الفرح
‏وبداخلك طفل " انجرح "
‏ماانبلك !
‏كلما سطى فيك الوجع !
‏أشعلت لاحزانك .. شمع !

[سعيد الموسى]

*
___

ماصار عندي قلب
وآحب " والا أنحب "
ماقصروا - أحبابي
في طعنهم " صدري "
اسكنتهم " عيني "
ثِم جرّحوا " اهدابي "
لاتكثر عتابي !
موجوع أنا .. كل شي !
برتاح ، لوّ شوي !
مااحس إني " حيّ "