نَافِذه !

[سعيد الموسى]

*
__
*

انا الشعر " وزن ومزن " !
‏وانا البحر " والقافية " - وانا الشجن وآخر مقامات الحزن !
‏وانا الصبا لامن نزل ب ارض الظبا !
‏وانا الـ موسيقى " والركوز " - والفكرة اللي ماتجوز !
‏زوجتها " المعنى " انجبت
‏طفلٍ وبنت " تكبلهت "

[سعيد الموسى]

إشادة أفتخر بها من عملاق النقد وعملاق الشعر

_


http://www.ab33ad.info/up/uploads/images/ab33ad.info-ba04eaa1d0.jpeg (http://www.ab33ad.info/up/uploads/images/ab33ad.info-ba04eaa1d0.jpeg)

[سعيد الموسى]

من باب كسر السائد :
*
_____
*


أحتاج أمرر كلمةٍ
‏" بين ثغري "
‏_ متصوّفه وتميل " بالدف بشويش"
‏متمذهبه
‏ومذهبه
‏" تمتلي طيش "
‏نجديّة الجنحان - مكيّة " الريش "
‏احتاج اقول أشياء !
‏ماتقبل الـ ليش ؟
‏متصعلكة تسكن " وجوه الدراويش "
‏احتاج امرر " شي "
‏مايشبه ايّة شيّ
‏مثل الحكي " الغافي " في اول الخافي !
‏من " آخر لساني "
‏احتاج أحبّك ؟
‏لا
‏احتاج أحب " اني " .. مليان بك واني
‏غرقان بك كلّي !
‏لـ آخر طرف ظلّي !
‏احتاجك " النسمه - في وسط هالزحمه "
‏واحتاجك لك كلمه .. شرقيّة النغمه !
‏احتاج لك " غنوه " - متكبلهه وحلوه "

[سعيد الموسى]

*
__

*

كِن القلق :
‏" موطنه ظِفري "
‏يمتد من فمّي ..
‏لصبعي !
‏كني زرعت بـ يدي :
‏" صُفري "
‏وارياشه تميل في ضلعي !
‏ياحلوتي : والقلق
‏فكره !
‏مايسلِم الهمّ " من كُفره " ؟
‏ياحلوتي : والمطر
‏" قطره "
‏مايبطي السيل ..
‏من كُبره !
‏دورت لي جاهةٍ " لليل "
‏من خمسة شيوخ
‏ينخونه !
‏أخذ سيوف العرب ..
‏والخيل !
‏واستل خنجر من " متونه " !

[سعيد الموسى]

*
___

*

انا تعطّرت قبل انام
‏- رتبت بالي على لقياك !
‏لعل تلفي بك الأحلام !
‏- غمضت عيني وقلبي جاك !

[سعيد الموسى]

*
______


لما قرر يكسر النور الظلام !
‏انطفى بين الزحام !
‏لما كان الصمت مدخل للملام
‏ارتجف وسط الكلام !
‏والكلام
‏اللي كسر ظهر الكلام !
‏انه اصدق من عبَر بين الأنام !
‏كان اطيب " من دهن "
‏حزة الجمعه على كفّ المسن !
‏كان اكرم من حزن !
‏مالقى الا صدر مؤمن " به سكن "

[سعيد الموسى]

قلت : ابكتب
‏عنّك أكتب ، شيّ أعذب ..من غناوي طفلتين
‏في مراجيح التلال .. والرياح تحفهن مثل دعوة والدين ..
‏قلت ابكتب..
‏عنّك اكتب ، شيّ يشبه للعطر
‏او مثل " رغوة وتر "
‏او مثل "دهشة رعد" شاف غيمه وارتعد !
‏عنّك أكتب
‏حكي من بعضه "يصب" وارتوى من فمّ " اسمك "
‏واقترب !
‏لين دنقتي وشرب !

[سعيد الموسى]

أبد ماهي " قضيتنا "
‏غصن طايح
‏وطير " أعمى "
‏ولا أكبر مشاكلنا " مهرّج " جسّد المشهد !
‏ولا أكبر مشاغلنا .. غراب فـ نافذة مومس !
‏ولا خضنا على " هالرمل "
‏لحتى " منه نتحسس "
‏رفعنا قيمة " الكلمه " وجنّبنا عن " الزحمه "
‏ثقَال وصمتنا " حشمه " وذهّبنا ايادينا
‏وزمزمنا " اسامينا "