حاكم مشعل المعلا
04-12-2007, 01:45 AM
هل أجد في قلوبكم عذراً للغياب احبكم
ياقلب فيك الضما دايم معنيني=ماتدري ان فزعة الساقي شمالية
للغيمة اللي رعدها مني وفيني=ومن يجهل الغيث لابانت مواريّـــة
ياهيه..ياللي ولا مرة سمعتيني=ماهوب كل كلمةٍ لا قلت عفويـــــة
ياتلعة الجيد..ياخنسا دواويني=يايوسفية نحر..والعين حوريــة
ياهيفا .. لامن تغريّـف عودك بليني=أمووووت بالغريّفات الخيزرانية
ياخصرك اللي على قبري يناديني=وانا ادرك ان العمر للعبد عارية
من (المدمج) اللي يساومني على ديني=إليا ليل ذاك الجديل و وجهك وضية
ماغير ذاك الجمر واللول يغريني=حيث انها غاليه واهديتها ليه
لكن..وحق الذي كبرّك في عيني=وقبل ازرعك في لضى الروحات والجية
انك تطيعين شوري..لا تحبيني=عيون الشقى ماتنام الا خلاوية
هذي صفاتي احب انك تعرفيني=والاّ السبب؟ ماتت الاسرار مخفية
أو يمكن اني انطعنت بماضي سنيني=سنين عمرالفتى اللي ضيعه غية
ايام حبي على موتي يمشيني=صاف النوايا..واحب الجرح والكية
اهيم..ما أدري وين الله موديني=تدرين شاللي استفدته من صفى النية؟
من اول سنين الشباب إليا ثلاثيني=وانا انقل الخرج..واثر الخرج به حية
واليوم.يوم الندم فتّق شراييني=وش يستفيد الندم من صفقة ايدية
اطلب من الله ليامنك قريتيني=تدرين ليه اكره العشق..وطواريّة
ياقلب فيك الضما دايم معنيني=ماتدري ان فزعة الساقي شمالية
للغيمة اللي رعدها مني وفيني=ومن يجهل الغيث لابانت مواريّـــة
ياهيه..ياللي ولا مرة سمعتيني=ماهوب كل كلمةٍ لا قلت عفويـــــة
ياتلعة الجيد..ياخنسا دواويني=يايوسفية نحر..والعين حوريــة
ياهيفا .. لامن تغريّـف عودك بليني=أمووووت بالغريّفات الخيزرانية
ياخصرك اللي على قبري يناديني=وانا ادرك ان العمر للعبد عارية
من (المدمج) اللي يساومني على ديني=إليا ليل ذاك الجديل و وجهك وضية
ماغير ذاك الجمر واللول يغريني=حيث انها غاليه واهديتها ليه
لكن..وحق الذي كبرّك في عيني=وقبل ازرعك في لضى الروحات والجية
انك تطيعين شوري..لا تحبيني=عيون الشقى ماتنام الا خلاوية
هذي صفاتي احب انك تعرفيني=والاّ السبب؟ ماتت الاسرار مخفية
أو يمكن اني انطعنت بماضي سنيني=سنين عمرالفتى اللي ضيعه غية
ايام حبي على موتي يمشيني=صاف النوايا..واحب الجرح والكية
اهيم..ما أدري وين الله موديني=تدرين شاللي استفدته من صفى النية؟
من اول سنين الشباب إليا ثلاثيني=وانا انقل الخرج..واثر الخرج به حية
واليوم.يوم الندم فتّق شراييني=وش يستفيد الندم من صفقة ايدية
اطلب من الله ليامنك قريتيني=تدرين ليه اكره العشق..وطواريّة