نفاع العنزي
11-03-2007, 01:08 PM
لمن يهمها أمري
.
يا ابن فطيس إن كان بك ضيقة عصير = يا ضيقتي ياهي تهد الجبالي
إن جيت أزحزحها بكثر المسايير = كني أناديها تعالي . . تعالي
الضيقة اللي بالحشا ..وقعها غير = ضيقة وناتجها دواعي هبالي
مرة تجي كتمة.. ومرة معاصير = ملازمتني.. كنها من ظلالي
يالله تعدي هالليالي على خير = يا ثقلها من بد كل الليالي
همومها عندي ورود ..ومصادير = يروح هم.. وينولد هم تالي
يا ليتها قصة وضمن الأساطير = ما كان تلقاني وحيد لحالي
وياليت لي جنحان.. أو أقدر أطير = وأشوف حال اللي تبي شوف حالي
كانت جريئة حيل من دون تبرير = وكانت تقاطع ..قبل لا أطرح سؤالي
حذرتها ولا فكرت بالمحاذير = وكانت تذوق المر لرضاي حالي
هفوة وغلطة ما لها أي تفسير= وكانت نتايجها تفوق احتمالي
غلطة وراحت ما تفيد المعاذير = وأستاهل اللي في حياتي جرالي
يا الله ياوالي صروف المقادير = يا واليٍ ما بعد رحمتك والي
إنك تطمني بزف التباشير= وترد غالي فاقدٍ روح غالي
.
يا ابن فطيس إن كان بك ضيقة عصير = يا ضيقتي ياهي تهد الجبالي
إن جيت أزحزحها بكثر المسايير = كني أناديها تعالي . . تعالي
الضيقة اللي بالحشا ..وقعها غير = ضيقة وناتجها دواعي هبالي
مرة تجي كتمة.. ومرة معاصير = ملازمتني.. كنها من ظلالي
يالله تعدي هالليالي على خير = يا ثقلها من بد كل الليالي
همومها عندي ورود ..ومصادير = يروح هم.. وينولد هم تالي
يا ليتها قصة وضمن الأساطير = ما كان تلقاني وحيد لحالي
وياليت لي جنحان.. أو أقدر أطير = وأشوف حال اللي تبي شوف حالي
كانت جريئة حيل من دون تبرير = وكانت تقاطع ..قبل لا أطرح سؤالي
حذرتها ولا فكرت بالمحاذير = وكانت تذوق المر لرضاي حالي
هفوة وغلطة ما لها أي تفسير= وكانت نتايجها تفوق احتمالي
غلطة وراحت ما تفيد المعاذير = وأستاهل اللي في حياتي جرالي
يا الله ياوالي صروف المقادير = يا واليٍ ما بعد رحمتك والي
إنك تطمني بزف التباشير= وترد غالي فاقدٍ روح غالي