زفرات لا تُكبَت، تُكتَب !!

[عبدالرحمن الغبين]

وكنت أراقب الموقد المستعر،
وكيف تحول الحطب داخله إلى رماد.
أذكر أنني إبتسمت بسخرية،
وتذكرت الشوق المتأجج داخلي !

[عبدالرحمن الغبين]

المِدَافِيْ،
وَجْهِي الآخَرْ.
تَعَالِي، لا تَخَافِيْ.

لاحِظِي كَيف الضَّلوعْ تذُوبْ بِصْدُورْ المِدَافِي،
واتَّرَمَّدْ !
لاحِظِي شُوقِي الخُرَافِيْ.

المِدَافِيْ،
وَجْهِي الآخَرْ.
تَعَالِي، لا تَخَافِيْ.

قَرِّبِيْ لِيْ حِيلْ مِنْهَا.
قَرِّبِيْ لِيْ حِيلْ مِنْهَا.
قَرِّبِيْ لِيْ حِيـ ـ ـ
ـ ـ ـ ـلْ مِنْهَا.

إِنْتِيْ بِكْ قَلْبِكْ تِجَمَّدْ !

إنْتِي بَكْ قَلْبِكْ تِجَمَّدْ !

[عبدالرحمن الغبين]

ليه..
يتوهج رغم هذا الرماد،
ويشعل للقياك آخر جمر فيه.

وتطفئيه !!

[عبدالرحمن الغبين]

ودعتهم،
مثل الشجر لوّحت بغصوني.

ودعتهم،
تساقطوا مثل الورق،
مثل الدموع،
مثل النجوم اللامعة بليلة أرق،
وحاولت أتشبث بهم،
خانوني جفوني.

[عبدالرحمن الغبين]

- تقول أنفاسك،
إن فاسك..
بترني من شراييني !
ورحت أتشبّث بأيّ شيّ،
أحاول أمسك خيوط الهوا والضيّ :
- تحبيني ؟
- أحبّك لآخر الآخر.




- تقول أنفاسك،
إن فاسك..
بترني من شراييني !
وكنت أتشبّث بلا شيّ،
أحاول أزرع بصحرا الهجير الفيّ:
- تحبيني ؟
- أحبك،
مثل صبح العيد.
مطرّز بالفرح فاخر.



- تقول أنفاسك،
إن فاسك..
بترني من شراييني !
وطحت،
وفرّت أسراب الحمام بعيد.
هويت،
وفرّت أسراب الحمام بعيد.
وآخر ما علق فيني،
ملامح وجهك الساخر.

[عبدالرحمن الغبين]

يا نور يا خافِت ..
غِبْ عنّها شويّة .


يمكن إذا خافَت ..
تِتحسّس إيديّه.

[عبدالرحمن الغبين]

ودّعتهم،
كانت عيوني غيمتين غياب،
يحرقها الشفق !

وكان العطش،
ما يطفئة حتى الغرق !

وكان القلم،
يمسح عن جْبينه عرق .
منهك من إحساسه بهم !

ودعتهم

[عبدالرحمن الغبين]

ليتك هالليلة ما جيت،
بعتم الليل،
ما كانت روحك قنديل،
ما كانت أشواقك زيت.
ليتك هالليلة ما جيت.

ليتك ..
بس وش تنفع ليت ؟!