شعر x شعر .... أبيات لا تكتمل

[نواف التركي]

قالوا الصبر مفتاح الأمور العظام
قلت مامن عظام السالفـه بيّنـه

طفسةٍ ماتبي منّا نشـد الحـزام
لو تجي في ملابس عرس متزيّنه

كل نفسٍ لها غايه وطبع الكـرام
ما تذل النفـوس لحاجـةٍ هيّنـه

[نواف التركي]

يـا مـداد القصيـد وروح قــرّاءه
ما كتبتك عشـان عيـون قرّائـي

لي ضرره ولهـم بغنـاي سـرّءاه
لـي شقـاه ولـهـم تفنـيـد أرائــي

أكتبـه يسهـرون الخلـق جـرّاءه
والثمن مسبقاً مدفـوع بأطرائـي

ليـت بيديهـم التريـاق وأبــراءه
البلاء أني أشيـل الـداء بردائـي

شاعـرك بالقصيـد يـمـرر أراءه
ويقتنع فيه قبل أصحابي أعدائي

[نواف التركي]

كنتـي قريبـه قريبـه حيـل لكنّـك
آثـرتـي البـعـد لا والله أثـرتـي
ذبحي بليّا ذنـوب وظلـم مـا كنّـك
إلا تحرين ( غفلة قلـب) وأخترتـي
يومٍ نجـر الغـرام ب/ قلبـي يدنّـك
كان الصدى ياهلابـك بـس سيّرتـي
يمّ الجفى اللي يودينـي علـى ظنّـك
أو كان عذر الفراق السمح وأكثرتـي
لومك عشان الحروف السود يرثنّـك
لو أن قبر الكـلام العـذب حنجرتـي
تدرين حتى الدموع اللـي ب/يبكنـك
ذبحتهن بالسلامه ويـن مـا صرتـي
حمامـةٍ جيتـي تغنيـن فـي فـنّـك
على غصون الجروح الخضر ثم طرتي

[نواف التركي]

سحقاً لهذا السديم ووجهه الشاحـب
غمّضت جفني عليه ولا وصل بكره
غلطان من يعتقد بأن المدى راحـب
غلطان من يعتنق لو كذب هالفكـره
من علّم الورق تسجع لحنها الناحب
من علّم الصوت يرجع فالصدى مكره
كن لي عدواً ولكن لاتكـن صاحـب
عشان أرد الطعون لصدرك وأكـره

[نواف التركي]

نامـي بقلبـي والسـهـر لــي خلّـيـه
لا تتعبـيـن عيـونـك النـجـل نـامـي

لايشغلك دربٍ قضى عمري أمشيه
هـذا حفـظ حزنـي ويعـرف هيامـي

للوداي اللي كـل مـا أغيـب وأجيـه
أشوف عمري فـي فضـاه مترامـي

لا يشغلك بعض التعب والمشاريـه
إنتـي عيونـك فرحـة العمـر نـامـي

[نواف التركي]

يا ( مي ) هذا العمر مقفي على وين
تعبـت خطـاي تـدوج ســود الليـالـي

لا صـوت يندهنـي ولا رفّـت العـيـن
مـا كـنّ لـي غالـي ولا كـنـت غـالـي

[نواف التركي]

كـم تعبنـا ولكـن ماعرفـنـا الصحـيـح
وكـم هوينـا الصعـود ولا لقيـنـا درج

وكـم هقينـا ولكـنّ الزمـان الشحـيـح
قاسـيٍ مـا يبـي يطلـق يديـن الـفـرج

غن يا حـادي الأحـزان يمكـن يطيـح
دمــع ولا تـحـن قلـوبـهـم لا عـــرج

بي من الروح ما يتبعه صوتٍ يصيح
لا مـتـى وأتعـكّـز لــي بـحـظٍ عـــرج

[نواف التركي]

مسّيت حبل الكلام وخابت الهقوه
يا صاحبي توّنا بالحكي ما جينا


للفعل وأنت الذي محسوب فالنقوه
وآخيبتي وأول طعونك مبادينا