شعر x شعر .... أبيات لا تكتمل

[نواف التركي]

للدرب الأول لـ طاري (مي) رجّعني
قبل أتهاوى هنيّا ضمّني يمّك

لا تخسر الصدق بيدينك تضيّّعني
أخاف لا طحت ما تلقى من يزمّك

معقول يعني يجي يوم وتودعني
معقول (نواف) ما يعنيك ويهمّك

[نواف التركي]

كل ما أقرب قرّبتني للـ بعاد
وكل ما أبعد تدني بقلبٍ رحيم



لا تخليي طيرها يتبع هداد
ولا تخليني على الرحمه مقيم

[نواف التركي]

هي / وألاّ / ما أبي هذا الوكاد
قلتها / ما بين زمزم والحطيم



مالـ جرحٍ تتركه (ميٍ) ضماد
ومالـ قلبي من بعد (ميٍ) حميم

[نواف التركي]

أشبع ترى ماهي بدايم فضيّه = مرّات ما تملى الكفوف الميانه

وأروى ترا ماهي بدايم عذيّه = مرّات دون الماء تصير اللعانه

وأنسى ترا ماهي بدايم خليّه = كم فيه خبلٍ كنت أحسبه تكانه

[نواف التركي]

ياللي تقولين أكتب قصيده بـ تفسير.=بعضك ترا بعضي عشانك سألته

وش فيك كنك من على الآرض بـ تطير.= الناس تكرهني وش اللي عملته

الذنب يغفر ..بس يحتاج تبرير =. ولا أنت لا شفت الخطاء رحت شلته

يمكن بعض من شافني شافني غير=ويمكن بعض من هو قراني خذلته

[نواف التركي]

هو أنت صدّقت يوم أقول لك راحل = ولا أنت تبغى الفراق وصارت الحجّه

ضقت وبغيتك لموجات الزعل ساحل = رميت حزني بحضنك قلت لك نجّه

جيتك وأنا منكسر متبهدل وباحل = قلت إنت تملك هدووء يشتت الضجّه

يا سيدي صار خير اللي إلتوى كاحل = بـ أعرج عليه وعسى في هالفضى سجّه

ولا يهمّك لو أغراك الجسد ناحل = لي قلب من وين ما وجهت به وجّه

[نواف التركي]

ليش بغيابك أشعر بـ إني أكثر حزن = ليه أحس المكان يضيق رغم السعه

ليه كل شي بعيوني ما هو متزن = ليه لا من طرى طاريك رحت أتبعه

سيدي شاعرك أضحى بليّا وزن = جاء معه قلب لكن راح ماهو معه

[نواف التركي]

لا عاد ترجع ما بقى لك بقايا = ماعاد به شيٍ يساوي رجوعك

أهديتهم قلبٍ برئ النوايا = وأهديتهم حزنك ,, بقايا دموعك

مديت كل اللي ملكته عطايا = حتى تبيّن في زمانك خنوعك

في هـ / الزمن شف كيف رد الهدايا = بالقلب وأن أخطت فؤادك تروعك

لا يخدعك ما ينعكس بالمرايا = حلمٍ هزيل ولا يكفّي لـ / جوعك

طعني وخلّك مرتحل والولايا = تلقى لها والي كثيره ربوعك

لا ترهن أحلامك لحزن الزوايا = وتطفّي الذكرى بقايا شموعك

ما دام باقي روح سوّ السوايا = أن مت يكفي ما فرحوا في خضوعك