(( صـمـتـــ الـبـــوحـــ )) ..

[محمد العمرو]

.
.




لـوّن خيوط الصبح في خد الايام
... واترك شموس العِز تضوي / طريقكـ
..
إسمع طرب فيروز ولآتسمع اريـام
... واحذر تِهيم وزود ضيمك / يعيقكـ
..
غثيتني بعلوم .. هيفاء .. وأنغام
... ولميس .. ويحيى .. واختلافك / وضيقكـ
..
تكفى طلبتك خلني بين الاقـلام
... اعيش وقلبي بالموده / غـريقـكـ


.
.

[محمد العمرو]

.
.




على لحن هادي رقص لك .. خفوقي
... قديم ولكن في سكونه / حضــارهـ
..
روقي فديتك يااجمل الناس .. روقي
... خوذي وهاتي من سكوتي / شطارهـ
..
يابنت انا أكتب واعذْب .. طروقي
... وعندي على عرش القوافي / إمـارهـ
..
ذويّق ولكن لو تحسبين .. ذوقي
... مايجتمع إلا على صـوت / ســارهـ


.
.




سارهـ ..




.
.

[محمد العمرو]

.
.

صباح التناقض !!

..

5:7 ص

..





.
.





تعبت ومثليّ لــو تعنى .. يجامل
... تعبت اردد لك مع الوقت / معذور
..
تنقص وبعيوني على الناس .. كامل
... حتى غدى بدرك مع الليل / منثور
..
وفيروس ( ودكـ ) داخل الذات .. خامل
... تنصب ( وحرفك ) يبن الاجوآد / مـجرور
..
نآقصك تقرى في فنون .. التعامل
... وترجع مثل أول مع الـحـب / مـسـرور




.
.

[محمد العمرو]

.
.


صفحة ندم فيها مع الآهـ .. تصوير
... قلب ٍ على طيب المشاعر / يـحـاتـي
..
مثل الذي يـارد مـن البير .. للبير
... او كنها صفحه من احروف / ذاتـــــــي

.

.

[محمد العمرو]

.
.



جيت اكابر لقيتك ..



ذات ذاتي .. وانتي اكبر اُمنياتي ..







.
.





الليل يشره من دموعكـ .. ويرتــــاب
... والصبح ودهـ بالـتفـــاؤل / يـضـمــكـ
..
لاتغلقين الباب وانتي .. ورى البــــاب
... لاتحرجيـن الـطـيب لاجــا / يـشـمــــكـ
..
لاتـكـسـريـن الفاس والشوق .. حـطـّـاب
... لاتِحـرقي دمـكـ مـن اهـداب / هـمــكـ
..
وانتي سمار وصفحة الشمس .. جـلبـاب
... وانتي بيـاض وحـاضـر الشوق / غـمّـــكـ
..
وانتي حضور اغياب .. واغياب .. واغياب
... والـحـُـب ( حـيّـه ) والـعـقـارب / تـِـسـمــكـ
..
انتي غـيـاب وكـايــد الـهــم .. ألـقـــــــاب
... يـفـخـر وكـنـــه بااسفل الـذات / عَــمْـــــــكـ
..
صُبيّ زعل صـدرك بـلا نـوح .. وعـتــاب
... ولاّ تـعـالـي واتـركــي بـعـض / جــمــــــكـ
..
نبنيّ حضور ونعزف الحرف .. زريـــاب
... والـصـبـح دايـــــم بالـتـفــاؤل / يــضمــــكـ



.
.

[محمد العمرو]

.
.



يسيل دمك يالقلم والسطر .. حيّ
... يحوي جروحك يوم تكتب / جــروحــكـ
..
ماعدت انا فاهم عن الليل .. والضيّ
... وسلوم حرفك مع تـنــاهيــد / بوحـكـ
..
بعضي يقول النور يغتاله .. الفـــيّ
... وعـطـر ٍ كـئـيـب وللنـهـايــه / يــفـوحـكـ
..
صـعـب انـتــعـالـج وآخــر الـهـم .. للـكـيّ
... واهـدم وتـبــنـي مـن هــمـومـي / صــروحكـ
..
درب ٍ سـراب ودرب يـنـضـح .. من الـمـيّ
... فـي غـِـبـتـــه حـــد ٍ يــسـمـى / طموحـكـ
..
وانــا وصــفــت الــروح .. والروح .. وش هـيّ !
... ( إلا مـُـجـرد نــبــض شــخص ٍ / ينوحـك ) ..

[محمد العمرو]

.
.



مشيت ودربي بالخطا عاكس الريح
... حتى عتابي في طريقي / سبقته
..
أمشي واقوم ابعثرة الحظ وآطيـح
... واسقي طموحي من طموح ٍ / سرقته
..
قـصدي اصيح وقابل الروح تصحيح
... واللي شربته بالتفاؤل / شـرقـتـه !!


.
.

[محمد العمرو]

.
.





http://www.w6w.net/album/45/w6w_w6w_200505030138573096b846c468.jpg



.
.


شفت الأثر في (غرفتك) وابتسم .. جرح
... شِـفـتــه وكـِـنــي مـآلـحـظـتــه / وشـِـفــتــــه
..
وكـآنك سمحتي مآأبي زود .. بالشـــرح
... واللي حصل بين الزوايــا / عـــرفـــتـــــــه !



.
.