(( صـمـتـــ الـبـــوحـــ )) ..

[محمد العمرو]

أحلا الأسامي للخفوق المُتيّم
... إسمٍ لسانك لو نطقته يتمه
..
صوت ٍ كريمٍ لاحكى لك يخيّم
... عشق الطهور اللي تناديه / يُـمْـه

[محمد العمرو]

..



كل الزوايا تنتحب من غيابك
الزرع يشكي والنخل والمباني
..
وابشرك ماقفل الموت بابك
حيٍ وترزق بالكرم والسماني


..

[محمد العمرو]

..


إضحك وجامل خلْ عنك التعاسه
ولآمن بدى صبحك مع الهم .. خلّه
..
دوّر على وقت الهناء .. والونآسه
قَهَوْ الفرح مع شقة النور .. دلّه



...

[محمد العمرو]

عيشة طنآخه والردى للدراويش
ماقولها حزة ذهول وشمآته
..
أحدٍ يخدم الناس من غير بخشيش
واحدٍ يضحي للأوادم حيآته
..
واحد ٍ مع الطلبات ينشد على ويش
يروغ وراسه في خفايا عبآته

[محمد العمرو]

..




مدت اليسرى وهي متجمله
خير من مدت يمين المتسخير
..
عشت في بحر الكرم واتأمله
من بداية رحلتي وانا صغير
..
كم يمينٍ بالردى متحمله
وكم يسارٍ دوم واجبها .. كبير

[محمد العمرو]

..




دآم انتظار القلب وانتي حضورك
مثل المطر لاجا على ارض عطشى
..
مآيشبه القطرات الا حضورك
لامن تبسم خاطر العين وافشى
..
كلمة غلا ترسم خفايا امورك
ونبت المواصل بالمعاليق ينشى

[محمد العمرو]

أخطيت في حق السهر واحتريتك
وتعبت ادور لك مع الوقت اعذار
..
الله ياكثر الحكي لو حكيتك
وانت القمر وانت القصايد والاشعار
..
جيتك برائه للأسف مالقيتك
واثرك تدين الثلج وتخاوي النار
..
وياما نخيتك ليتني مانخيتك
والعن ابو حظ المسافه والامتار
..
الله يجبر خاطري كم عنيتك
وبين البدايه والنهايات تذكار

[محمد العمرو]

انا لاجيت متخاذل ولا راضي ولا زعلان
انا جيتك سحابة عشق تعرف الذوق وتدله
..
هطلت امطار اشواقي على زهر الوله الوان
وسكبت اعطور لهفاتي وتركت اعروق مبتله
..
وبرق نبض الغلا وانور سحابه وابتسم هتان
تشكل بالسماء رسمة قصيدة عشق مبتله
..
وضحكت احيان لكني زعلت من القهر احيان
وعشت الوقت وايامي على طرياك .. معتله