[أبوذيّات ـنا]

[الريـــــم]

على نارٍ يلوّعني وعلى مَهْ
يا خِلاني دا علموني علامَهْ ؟
أون الليل وبقلبي .. علامه
تركها من رحل عني خطيّة

[نافع التيمان]

""وحق الألف واللامين والها""
عليك الروح يابو زلف ولها
ولا قادر أسج وانساك والها
عذاب بغيبتك حالي شقيه ..

[نافع التيمان]

ياليتك تُعرف هواي انـــتـــ ليتك
حفظتك مصحف بقلبي و تليتك
وعفت أهلي بلا راي و .. تليتك
وصلت الشطرة وآنا من الحنيّه ..:)

[الريـــــم]

ولك يالْـ جنت ويّاك بسعاد
عليْ من غيّرك .. بس عاد
نسيت وراح ضيمك بس عاد
حلف إلا يهاديني هدية . !



جنت = كنت

[نافع التيمان]

من آخر آب توعدني لأبريل
ولا بطاري تمر بينا ولابريل
إذا ماكو حجز لو تركب بريل
ولك لفراق وصلني المنيّه ,,

[عبدالعزيز رشيد]

أحبّ الدار ول يوم القيامه
غرقت كثير بالشوق يامه
لها ليلٍ ويحلالي قيامه
طهوره واسمها بقلبي الـ (عذيّه)

[خليل الاحمد الشهري]

مزَاجِي شين واتخيل ورقتك..
لأنك شعر.. وعيوني ورقْتِك..
وانا الأقلام في كفي ورقْ تك..
تطيح شعور لو عصَّب خويه..

[نافع التيمان]

تدلل بالترف ناعس وسنها
تطر الجيب وصغيرون سنها
شحذ فرقاها هالعاذل وسنها
غسل يغسلني هم راحت علياّ ,,