ليتني جاهل كبر الصغير فلاح
همه اللعب والحلوى وجهالي
ماشقا بالمودة والزعل والسماح
خالي البال دايم دالهن سالي
اييه ياقلب قل لي وين ظبي البراح
كنت كل يوم اشوفه يبتسم فالي
قالت الدار شدو يم حدود الصباح
دون حزم القرين وايمن من الشمالي

ماعلى الافراح من قلب الحزين
وماعلى المرتاح من راعي التعب
الليالي عندكم عندي سنين
والبراد بديرتك عندي لهب

موحش هواها كأنه من ليالي الخريف
(وغربة) مثل شعر "نازك" او تراتيلها
وما قط رأت عيني اللي ماتحب المصيف
صيف المحبة عدا في فعلها وقيلها
يامن هواها مثل قولة حسافة ياحيف
خلي المحبة تعيش بعطر منديلها
ما
هن
سوى
(لهفتينا)
والأحاسيس.... ضيف
والضيف تاذيه كلمة " لا " وتعديلها
ترى الهوى شعرةٍ بالقلب والها رفيف
وياما عواصف تغليك انهكت حيلها
يا بن الاوادم
ترى
شرع المحبة صخيف
لا تخلي الجور
يشهر سيف تقتيلها
برعم هوانا يجيه من العواذل سفيف
والسنبلة كم تحرقها محاصيلها
ياما تعبت وتحملت الخطا
(كم.
.
.
.
. و كيف)
وقررت اقول الحقيقة دون تأويلها
فجرت في خاطري كل ما يصنف مخيف
من قول من هاجسٍ من فعل من ميلها
وقررت انا أهجر المزيون هجرن عنيف
واعامله بالمثل وافضح اقاويلها
وصرنا مثل بايعٍ في (هجر) تمر القطيف
وزارع نوا في قرى (سيهات) ونخيلها
مدري شسوي ودمعي بالهوى له ذريف
واقول ياحي كل من كان من جيلها
كل المعاني قصار ولو ابي ما تضيف
عن حالتي عن فؤادي عن تفاصيلها
اشهد بأني امام الحب شخصٍ ضعيف
يشكي المودة حزين ودوم يشكي لها

0

من قال اني هويتك؟؟؟ كاذب احساسك
يعني على شان ساعدتك تبي تحبني
يالاهيٍ شيل هالتفكير من راسك
انا بجنّب طريقك وانت جنبني
مو ذنبك انك تحس العشق بانفاسك
ذنبي دروب المحبة حيل تتعبني
ياصغير السن باس الشوق مو باسك
تبي تذوق المرار وتهدم وتبني
او عواذل غرامك اهلك وناسك
وخايف يجي يوم بالعذال تحسبني
تبي المحبة على ذوقك ومقياسك
وانا ابيها مزاج وشرط تعجبني
ياجنة اللي هواك وضمك وباسك
بس الصراط اللي بيني وبينك ارهبني
خفف على رويحتك من جور حراسك
وخفف على قلبي اللي فيك عذبني
حرام والله حرام تراود احساسك
ابعد وببعد وعقب البعد حاسبني

تعال نفرح وننهي فترة الفرقى
ونعيش احلى ليالينا والايامي
والا اقول اعتمدني بحر للغرقى
من عاشق مفارق في عالم احلامي

شعرك المنثور ايقظ مهجتي
وابهج الخافي بشعري والحنين
كيف لا وانتي سريرة بهجتي
وانتي لي سر الهوى بحلو السنين