[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
رحلت و..لا رحل ..صمت ٍ.. يضج أبداخلي بدموع=رحلت ..وما بقى نبـض ٍ عليـك اليـوم عزانـي
رحلت. وين أنا ما ارحل أشوفك بالنظـر مـزروع=وفاء حبك.. غلا طيفك ..وهمس ٍ ناعـم ٍ ..دانـي
رحلت ..بكل ها الدنيا رحيل ٍ ..ما سكنـه ارجـوع=قريتك في وجيـه النـاس ..دفاتر..فيـك تقرانـي
رحلت ..ودنيتي بعدك هجير ..مع هلع.. مع جـوع=أنيـن / وآه / باسبابـك /أسـى قاسـي تغطانـي
ذبل جسم الفرح واجتاح سنبل بسمتـي مصـروع=وفي آخـر حـدود الليـل ..كلن يشبـه الثانـي
يناديني غلا طيفك ..وأنـادي لـه وفـاء مجمـوع=يعزينـي.. يواسينـي .. ويلملـم هـم ٍ أعيـانـي
على موعد لقانا بك.. أخذني لـك ولـه واشمـوع=رسايل حب مع شوق.. وليل فيـك خاوانـي
مشيت.. ولا مشيت..الا سبقنـي خافـق ٍ منـزوع=وقفت ..ولا وقفت ..الا ثـراك .. بجـرح ينعانـي
وطاح القلب.. في قبرك.. يقبـل ذكـرك المرفـوع=وبل الطين .. هل الملح .. تغلغل داخل أشجانـي
دعيت ..ولا دعاني لك ..سوى إحساسي المفجـوع=وحب مـا يمـوت.. الا وربـي.. حـي واحيانـي
تهرجني.. وهرجها وتـرد أبشـر أجيلـك طـوع=تسامرني ..تغني لـي قصايـد لـي مـن الحانـي
ماني قايل ذي الفرقـا ..ولكـن بالهـوى متبـوع=أبرجع لك وأسولف لك عن القاصـي مـع الدانـي
تفاصيـل ٍ لهـا قيمـة تجـدد حبـي المـشـروع=ترتب لحظة اللهفـة ..تصـب الشـوق بأغصانـي
رحمك الله.. يا شمـس سناهـا مشـرق ٍ بطلـوع=رحمـك الله ياطهـرٍ طـهـور ٍ بــل وجـدانـي
سقاك الله.. ياقبرٍ سكن وسـط الظلـوع خضـوع=وسقاني الله .. يا صبر ٍ / بصبـر ٍ ثبـت اركانـي
فمان لله ..يا أعلى سمـاء فـي خافقـي مرفـوع=فمـان الله يـا أغلـى وطـن حـب ٍ بوجـدانـي[/poem]
إبــــراهيــــمــــ
وللنزف بقية لم تندمل ..