ان طار حظي طاح , وان طاح ما يطير _-_-_- كن الكدر ماشاف بالخلق غيري !

[مشاري الهباد الشمري]

بسم الله الرحمن الرحيم ..
أحيي الجميع ..


:

هذا نص .. عساه يرضي الجميع ..
ويُشبع ذائقتكم ! ,,

:

البارحة عكـّر صفا البال تفكير ..
تايه .. ولا أدري وش تليّة مصيري !


أشوف بعيوني دموع التعابير ..
وأذوق من نبعي عذوبة غديري ..


مر بي زمان ولاسمعت التباشير ..
ولاشفت غير الخام , مامن حريري !


وحيد فكر , وما للأوهام تفسير ..
هم / وحزن , والحال ؟ علقم مريري ! ,


زود(ن) على ضيقات بالي ( المعاسير )
طرت عليّ ذكراه وانفج بيري ..


ومن عقبها جاني من الهم أعاصير ..
وغيث الكدر ياخلق غادي غزيري ..


مهموم دوم .. ومابالأحوال تغيير ..
الهم وسط الدم .. جاري ويسيري ! ..


كن السيوف الشاطرة والبواتير ..
تبتر عروق القلب وتوجع ضميري ! ..


حاولت أدوّر للمصايب تدابير ..
وأفرش طريقي بورد(ن) أحمر زهيري ,


ابطيت ألاقي لـ ذا الهواجيس تدبير ..
وأبطيت أغلفها بمسكي وعبيري ..


وعجزت آخذ من نبات النواوير ..
فرحت زهورة بالصباح النويري ! ..


والمشكلة ؟! ماني بخيّت تقادير ! ..
جفني عن الأفراح دايم سهيري ..


ان طار حظي ؟ طاح .. وان طاح مايطير !
كــن الكدر ماشاف بالخلق غيري ! ..


_-_-_-_-_-_-
_-_-_-_-
_-_-_
_-_

وسلامتكم .. راس راس ! ,