أهلاً رمضان

[رجا المريخي]

كل عام وأنتم بخير

[poem="font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلابك عد ماغرد على غصن النخيل طيور = هلابك عد ماهلت سحايب مزننا وسالت
هلا بشهر الصيام الي لفانا مع جنابه نور = هلا ومع جيت الغالي رديات الفكر زالت
شهر ذكر وشهر رحمه شهر يملا النفوس سرور = شهر خير وكرم يبقى بليالي العسر لو حالت
شهر به نُزل القرآن يمحي عتمة الديجور= وتستعدل به دروب ٍ منول بالكفر مالت
شهر نقا النفوس الي ملاها هالطمع بغرور = وخلى الطيب عنوان ٍ له قلوب البشر آلت
وصرنا نقرب ونقرب ولو إتباعدت هالدور = ونسعى للرحم بوصال لو إدروبنا طالت
شهر أُلفه شهر ود وشهر فيه إتساع إصدور = شهر فيه التقى منبع ونفحات الذكر جالت
هلابك عد مانحلم نعدل بالزمان إكسور = ونحقق للنفوس أحلام لو بأحلامها غالت
هلابك عد ماراحوا ضحايا قدسنا المغدور = هلابك عد ماغنت علينا دجله وشالت
هلابك والعذر يبقا نقط زائد نقط بسطور= هلابك عد ماقلنا ليالي هالفرج طالت
ومعى كثر القصور الي علينا ماعلينا قصور = نعيش بحلم واقعنا حقيقه ليتها زالت [/poem]