قبلــــة الاســــــلام ؟

[عبدالعزيز الفدغوش]

الاهداء : إلى كل من به غيرة على الاسلام والمقدسات الاسلامية
هذه القصيدة رداً على ماكتبه الصحفي (ريتش لوري)في مجلة (ناشيونال ريفيو) حيث طالب بضرب مكة المكرمة بالقنبلة النووية ....




[POEM="font="Simplified Arabic,4,white,bold,normal" bkcolor="transparent" bkimage="./images/backgrounds/10.gif" border="none,4,gray" type=2 line=0 align=center use=ex num="0,black""]ياقبلـة الاسـلام يـا مهبـط النـور=ياأم القرى ياللي لنـا رمـز واشعـار
ياأطهر ثرى في كوكب الارض مخبور=ياملتقى صحب النبي جمـع الاخيـار
ياامن بلد في كـل الايـام وعصـور=وقلوبنـا لـك تتجـه قبـل الانظـار
حبك رسخ بقلـوب الاخيـار محفـور=ياقبلـة الاسـلام فـي كـل الاقطـار
ياتاج عـزٍ ماتزعـزع مـن ادهـور=ولك هالة التقديـس بالسـر واجهـار
لواء شموخك عبر الاجيال منصـور=والله يحفظك من عناء كيـد الاشـرار
كان ابرهه جالك على الفيل مغـرور=لاقى الجزاء من المعتلي وال الاقـدار
يا(ريتش) يا(ريتش)الخطا منبع الجور=يامنتهى الالحـاد والخـزي والعـار
ياتايـه التوجيـه ياضايـع الـشـور=مكة بامـان الواحـد النافـع الضـار
مكـة حماهـا مبـدع البـر وبحـور=يرسـل ابابيـلٍ علـى كـل غـدار
البيت بامر الحـق مبنـي ومعمـور=وحـق علينـا نثنـي دونـه اسـوار
روح الولاء لأرض الوفاء تعتلي سور=وحنا لعيون الدار نرخـص بالأعمـار
حنا لعيون أم القرى نصـف طابـور=ويالعنبو من هـاب غبـات الاخطـار
نداء الوطن والدين ماعنـه مذخـور=ودم التفانـي يعتلـي روس الاحـرار
إن ضاع منا الدين وإحساس وشعـور=ياعـل مايبقـى لنـا حــي ديــار [/POEM]