الصاحـب المغـرور

[خالد العنزي]

ثلاث شهور , لا , اكثر حقيقة من ثلاث شهور
,,,,,,,,,,,,,,,,, جهلت الدافع اللي ردّني ,, والمانع ادري به


ثلاث شهور , والشعر يحداني , ويحداه شعور
,,,,,,,,,,,,,,,,, يقول ارجوك , تكفى ( قولني ) لا اطوّل الغيبه


ترى لي وزن مابين القصيد , ولي بعد جمهور
,,,,,,,,,,,,,,,,, مصيبه , كان ماتدري بـ وزني ,, واكبر مصيبه


وانا كم واحدن قلبه عليل ,, وصرت له دكتور
,,,,,,,,,,,,,,,,, وانا كم واحدن يعشق حضوري شافله هيبه


وانا اللي ثرت واثريت الثقافه في سنين البور
,,,,,,,,,,,,,,,,, وانا اللي غصت في عمق الادب وآعدت ترتيبه


ولكن , ياضياع الآمر اللي ,, ضيّع المأمـور
,,,,,,,,,,,,,,,,, ولا ياقرد , ضيفن مالقى ,, حشمه معازيبـه


اشوفك قمت تهملني وانا في خوّتك مجبور
,,,,,,,,,,,,,,,,, خويٍ ,, تنحسد في خوته وشلون تصخي به ؟؟


هنا , جاوبته وقلت العفو يالصاحب المغرور
,,,,,,,,,,,,,,,,, من اللي يشغله هم الشعر , والهم في جيبه!


مع الفقر المركّز , اللئيم , الكافر , المسعور
,,,,,,,,,,,,,,,,, قصيدن ( مايوكّل عيش ) مثلك ويش اسوي به ؟







مـودتي واحتـرامي للجميـــع