كوثريني !

[خليفه الصائغ]

كوثريني ..

فوق جرحي..
اخضريني بالغلا..

وامنحيني منكِ معنى للحياه..

اغفري للموووووج
لا غرّق سفينه..
قرب مينا..
امسحين ... الملح عند الفاقدين

إنتي ضوء الشمس ..
لا عانق مدينه
ولا.. ريحة خبز .. صبح العاشقين ..

ولا .. سيرة حب .. احساسه حنينه..
ولا.. عطرٍ فاح ...
بانفاس الحنين..

تدري.. إنتي ..
كـ القمر ..
وجهكِ .. ضياه..

والقلب لو صاح .. آه..

كوثريني ،

الجــــــرح صوتكِ دواه ..

وآنا مثل الريح...

اعصف لكِ وله ...

لـ جل بس ..
أروى ضما.. في اوله..
او اخره..
ابعدي عين السهر..

إغفري لي..
كل ذنوبي ..
وإنبتي ارض الخفوق..
واخضري..
كل شي حولي..

ابتدي نسج العمر ..
حب من عطر وزهر..

قلبي لك أنقى مدينه
يسكنــوها الصالحين
اسكني فيه وتعلي
فووووق في عالي سماه..

واعصري مالغيم ماه..

ولا تحاتين العواصف ،،
لا تحاتين القلب..

لو صاح آه..

كوثريني يالغلا..

اروي حنيني .. اجعليني حب ماطر..

وارتويني من شعر ..