يا صبيّ

[النايفة]

يا كثر ما تسأل وأنا أرد يا صبيّ
تبعثرت -مني حروف- الإجابه


أبوك لا ما مات- في داخلي حيّ
يسكن ثنايا الروح -محدن درابه


يرسل مع النسناس من عطره شويّ
أحس- بإنفاسه- وريحة- أطيابه


أسامر الذكرى اليا -مطلع الضيّ
واليا غلبني الشوق أحضن ثيابه


من حر نار الشوق ما فادني فيّ
الله يا حر الشوق ما أعظم صوابه


أفز من حلمي وأناديك- يأصبيّ
والعين تذرف- مثل وبل السحابه


أفز- كن القلب -في داخله- كيّ ٍ
كني كفيف(ن) تاه في وسط غابه


أحس كن الكون -بعده -ولا شيّ
كنه عقيم(ن) صار صعبن إنجابه


والله لو لا -الخوف من واحدٍ حيّ
لا ريح هذا الفكر- وأنهي -عذابه


وأهجر جميع الناس واغادر الحيّ
وأعزف على ناي- الألم -والكآبه


وأترك أنا الدنيا -وأعاف- من ليّ
وأتبع خطى المحبوب وأطوي غيابه






البيد