على كثر ماغبتي ..

[حسام المجلاد]

على كثْر ماغبتي ، حضرتي بوسط البال
والأصعبْ من مواصلكْ ياقلبي رجوعي !!

فـ لاتحسبيني عن غيابك بغيت وْصال
انا جعت وصلك لين مامتّ من جوعي !!

تعبت أكتِم الأحزان وآداريّ .. العذّال
واجامِل "بضحكي" لين ماحسّوْ ، ربوعي !!

يجي يوم وتْحسين في "خِيبة الآمال"
تعَرفين كمّ عانيت من ضيقي وروعي !!

بعَد طول ماناضلت فالحُبّ بـ"إسْتبسال"
غلبني زمانٍ كان ودي يجي طوعي !!

وترجّلت، عن صهوة جوادي وانا خيّال :
مادام إنّك أبعْد من شفاياي عن كوعي !!

كذا الوقت ، لامنّه زعَل مايحشم رجال
تسببّ بوأد أحلامي وقتْل "موضوعي" !!

وإذا الوقت .. يصفى للمنافق وللحيّال؟
انا ارتضي موتي .. ولَا اغيّر طبوعي !!

فلا تكتمين الخوف والوقت توّه مال
انا خايف مْن الدرب؛ وإنتظري وقوعي !!

ولا تكتمين الدمعْ .. شوفي وانا رجّال
من اتذكّر موادعك تهزمني ، دموعي* !!