العنوان بالداخل !

[عاطف الحربي]

..
.


وجهي غريب الملامح لو بغيت اسأله ..
.............. عني .. وانا فـ الجواب ادري أببقى وحيد !


زماااااان ياضحكة الاصحاب والمرحله
.............. غبنـا مثل وجهك المشرق و (عيدك سعيد) ..


عطشان في الذكريات.. وكفيَ امبللـه
.............. بـ آآآخر مطر من حكايا ْ امي و (غازي حميد)


ولو يحمل الشعر مابالي تعب يحمله
.............. نثرت عمري على درب الليـالي : قصيـد


لكنها .. لعنة الشاعر ومستقبلــه
.............. انه يعيش الحياة بموتـه ..ومن بعييييييد !


سجنت عمري بالاشعار .. وتركت اجمله..
.............. في هامش الباقيَ من الوقت عايش طريـد


ياطولة البال .. والايام مستعجله
.............. لاطلتي آخـاف .. ماخـاف انتبه للمزيد !


(مشكلتي الصبر) وادري ماهي بمشكله
.............. والصبر قيد الذي حريتـه 1000 قيد !!


اقول ماقول .. واكثر ماعرفت اجهله
.............. إلا ْ اني آحب هذا الشعْـر لو مااريد


واحب صبح ٍ ينادي هالعصافير له
.............. يفتح لي ابوابـه ويقفل .. حبيبيْ البعيد !

..
..

هذا انا .. والقصايد مدبره مقبله
.............. عليّ .. وآنا فـ سبيل (الموت فيها) شهيد !


من قلت الاحباب وامطرت المحاني .. ولـه
.............. و اشوفهم في عيون القلب : فجر ٍ بعيــد


..وظلـّوا حيارى عطاشى ممتلين اسئلـه
.............. تعايدوا في نهار العيد .. من غير عيد !!





ـــــــ
صباح الجمعه : 16/11/1429هـ ... الخفجي