دروب الوصل

[هند الفهيد]

هي معاناه تأخذنا حيث حفيف الحرف..
نستظل بأوراقه ونحكي له بعضاً من مـُبهم غضب / شوق..


:


*دروب الوصل*


خـفـوق الشـّاعره يبكي لها في الملحمه موّال
..............خـــيال المــُلهمه ماضي يــوادعها ويـــنــاغيها

أمل صافي يسامــِرها بـــِصوت من الألم محتال
..............أماني ترسم خطوط ٍ على منوال ماضيها

لذيذ الشوق يترنـّـم ويعــــزف نـــغمة الرّحـّـال
...............ولمسة صدق مليانه عتاب وحب تحـيـيها

دروب الوصل تــعبانه عنـــــاها قسوة الأحوال
................ودفـّـة رحلـتي قـالـــت وصلنا اليوم تاليها

أقول الشـّـعر لجل أحيا واشـَهـّد بالهوى مرسال
................وانا مااقدر أوافيكم حقيقه مااقدر أخفـيها

حـيـاة الــقلــب لــقــياكم وشوقـي فــاض بالمــكيال
................ونــون العــين ولـهانه وطـلــّه منك تضويها

بــدايــة قــصــّتي نــبــض ٍ كــسير ٍ للــمحبــّـه مال
.................وبآخرها سطا شوق ٍ على روحي يعنـّيها

كيان الشاعره مـُـفـعـَم تسوقه آهــة ٍ تـخـتـال
..................وكـريـم الـقـلـب يـقـبـلـها ويرضاها ويـهدّيـها

نــظمت حروف بشموخي وحرفي بالوفا بتــّـال
.................وغذيت الروح باشعاري ورضا الرحمن حاديها

ترا لو قلت بكتابي أحبـّه والوجود أطلال
.................عـــنيت الشوق واطلاله وكتاب الوجد قاريها

وأختمها صلاة الله على محمد عدد ماسال
..................من غيوم السّما قطر ٍ بطامن نـجـد وعـاليها



وسلامتكم



*