أخيب أصحابي

[عبدالمحسن الطليحي]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ويسكب كوب حظي بحضرة أهدابي = زعل قلبي على مارمّد بجمري
إذا في كل صبح ألقى على بابي = ضمى غصن و قهر عش و جفا قُمري
يجون بموتة الشعر أخيب أصحابي = يبون أتشهد بحبي على عُمري
لَعَمري كل ما خانوني أحبابي = خشيت من الشعر أن يُفَتضح أمري
تدثرت الستر وآهاتي أدرى بي = وطوفان السهر يوشك على غمري
يحجْ بكل حول الضيق لأعصابي = وأقول لفرجة اللي فيني إعتمري
كذا عيني تناشدني وأنا ما ابي = تبيني أنطق بـ ياعيني إنهمري
دخيلك كم كتمت أفواه عرّابي = على كم الطيوف اللي نوت دمري
ثملت ظنون وترنّحت لغيابي = وصبري حانة وساعة يدي خمري
يقول اللي تشبهني ! وهذرى بي = وأنا ماشوف سُمر الليل من سُمري
يكون الليل يقصد صبغة أتعابي .؟ = أو انه لون مغلوب ٌ على امري .؟
و أنا يا ليل لو جعت الهوى رابي = ولا أتكي لتمري لا نشف تمري
إذا في كل صبح ألقى على بابي = ضمى غصن و قهر عش و جفا قُمري[/POEM]


شكرا ً لصبركم