[ شيله ومقروءه : رابع سنه ]

[فواز الفهيد]

شيله : رابع سنه !
بـ صوت الرائع / أبو نواف َ!





رابع سنه مرتَ وانا في مكاني !
................ والناس من حولي يجون ويروحون !


كن الزمان اللي عطاهم نساني !
................ وكني من احساسي مجرد ومغبون !


واللي فرض نفسه عليّ وبلاني !
................ سؤال في صدري له سنين مدفون !


الى متى تبقى الأماني / أماني ؟
................ الى متى واكبر طموحاتنا / لون ؟


ليه الزمان اللي حواهم نفاني !
................ وليه الأمل أصبح مقيد / ومرهون !


واللي عطيته للأسف وش عطاني !
................ واللي تذكرني .. قرابه يقولون !


وهذي على شانك وهذي عشاني !
................ وان كنت تشكرني انا حيل ممنون !


ماتت أمانينا .. وعاش الأناني !
................ ولاعاد باقي غير باذن الله تهون !


رابع سنه مرتّ / أناجي زماني !
................ متى على الله / يازماني يحسون !


فـ !
28/12/2009
الرياض