وصرنا كبار...........

[مشعل الوسّامي]

العذر من قلوبكم لهذا الغياب .......

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]تعال اجلس بسولف ياحمام الدار=أذا كانت بنا أشياء لها قيمة
بسولف عن طفولة عالقة بجدار =تركها العمر ذكرى داخلي مقيمة
اذا تذكر لحقتك من على الأسوار= وطحت وكانت الطيحة بتعليمة
وتذكر بالمطر كنا نشب النار= ونتغطى بكرتونة عن الديمة
تغير كل مافينا وصرنا كبار= دفنا كل سوالفنا حدر غيمة
بعدنا والمدينة واقفة بأكبار = وحزن(ن) داخله يردم مراديمة
يعتق في حواريها بقايا صغار=وياخذ من شوارعها تقاسيمة
عظيمة يامدينة وان بدت تنهار=مفاهيمن تربينا على الشيمة
نشوف الجار مايحفظ غياب الجار=ونشوف ان الردي بانت مقاديمة
إذا كان الوفا شيمة تجيب العار =اجل من خاننا نفخر بتكريمة
انا ماني حكيم ومهنتي الأشعار =مشاعر والورق أوفى ملازيمة [/poem]