|||||| البلـسم الشـافي ||||||

[ثاني الدهمشي]

أعتذر عن الغياب الذي تسبّبت به ظروفي القاهره ..

أتيت بهذا النص لعلّه يشفع لي ..

:

[POEM="font="Simplified Arabic,5,gray,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]إحمِد اللي عشت في ستره الضافي=وارْض بالمقسوم لو شحّت سنينـك
لو تكون امنيْتـك تعيـش متعافـي=طاحت سنين آخر العمر من عينـك
ياخي لا يتعبْك هالوقت ذا .. كافـي=وكان تبغى اللي يرجّـح موازينـك:
موّت الهاجس وعش في فكر غافي=لا تفكّر واجـد .. وبينـي وبينـك
فالزمن ذا لو تبي فزعـة سنافـي=حسْب ما تملك من المـال بيْعينـك
والمطمّه صاير الطيـب يـا كافـي=أسهل مْن "المرحبا" عنـد غالينـك
المبادي طفل يبغـى حضـن دافـي=وانت ركّز زيـن باللـي حوالينـك
راح تدرك كيف عالمْـك ذا جافـي=للقيم..خلّ القيم.. يا أَخي ( دينك )
الفساد يسود.. والأعظـم الخافـي=وانت تبغى من تحطّه على ايْمينك ؟
قبلك محاكيك طيبـه مشـا حافـي=لين ضاع الطيب ما قلت له وينـك
خذ نصيحة شخص خاطرْه لك صافي=شاف من دنياه وإلا انـت للحينـك
ودام للحينك .. خذ البلسم الشافـي=قبل لا يجبرك زينك علـى شينـك
كـل دربٍ ضيّعـك جـوّه الطافـي=الصبِـر نـورٍ يدلّـك عناويـنـك
والصبِر طبعٍ مـع اليـأس متنافـي=يجبر طْموحك يجـي بيـن كفّينـك
والصبِر لو قلت له هـذي اطرافـي=إعرف انه لو بغى يقـدر ايْدينِـك
أبك أنا حِسْد البشر حـاول اتلافـي=بس صبري قال : تبشـر بتمكينـك
وهذا انـا والحمـدلله فـي قافـي=مستعـدّ أجعلْـك تعشـق عدوّينـك
قلت ما عندي تحت صادق اشرافي=يوم تستجـدي عيونـك محبّينـك[/POEM]


:

محبكم ..