يَـاحَـبـيـــــبي لَـفـيـــــتَـك؟!

عبدالمولى العمري · 07-18-2008, 03:06 AM

قديمة ، أجدد بها الحبّ لأبعادي ، ولعلّ الجديد يكونُ قريباً !!

[poem="font="monotype koufi,4,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ياحبيبي لفيتك _ حيّ باللي لفا= والبخيل اعتقادي _ حلّته ماتضاف
انته اللي عنيتك _ في وضوح وخفا=انت غاية مرادي _ وانا غيرك أعاف
تحسب إني نسيتك _ رغم طول الجَفا؟=انت لوحب عادي _ كان عدّى وطاف!
لوتغيب التقيتك _ في هروج القفا=تتهمك الأعادي _ وانت مابك خِلاف
ياطريق(ن) مشيتك _ والمواطي حَفا= رايح(ن) بك وغادي _ وآخرك مايشاف
آه ياما ظميتك_ وابل(ن) ماكفى=منك صحرا فؤادي _ ماتملّ الجفاف!
وآه ياما اشتهيتك _ وانا جايع وفا=وانت ملحي وزادي _ في السنين العجاف
انا اذا مارأيتك _ كل نور انطفى=وانت اذا صرت بادي _ القمر في انخساف
دافي الجوف بيتك _ لاعدمت الدّفا=تفترش من ودادي _ والغلا لك لحاف
ياحبيبي فديتك _ والنّوايا صَفا=مدّ لي بالأيادي _ ليش منّي تخاف؟![/poem]