انته خاين ياحبيبي!!

[كريم العفيدلي]

((ذيب وجرو ذيب
يرعن بهالدلال
ياناكر الطيب
آني ش عملت وياك))

/
/
/
/



انته خاين ياحبيبي
ماصنت حق الحبيب
ولاحفظتني في غيابي
وجرحي من ايدك عطيب
آنا موزعلان منك
آنا منك أبك دم
طعنتك كصمتلي ظهري
وشيلتني ألف هم
وين أسافر..
وين أرحل ..
تهت وغربني النصيب
عالقلب منقوشة دقتك
انته خاين!!..ماعرفتك
انته موانسان لا لا ..
انته ذيب
انزع بايدك قناعك
وخلني قراهن عيونك
كل لغات الحب توفت
ترجع تقلي ظنونك !!
مانفع وياك طيبي
وآني سويت بحليبي
وانته خاين بالحليب
تذكر ش كم مرة جيت
متعب وتوك بكيت
كنت أغدقك بالحنان
ولك ضميري كان بيت
وكنت اشعل الروح شمعة
أحترقك ..ماأشتكيت
مانفع وياك طيب
ولاصنت حق الحبيب
أعتذر ..هذا اعتذاري
صوتي يتكسر ..قراري
من صحت أستجدي ثلجك
غارق بهرجك ومرجك
أسرعت تنقذ حبيبك
تذكي بالغدر اللهيب!!!


الطائر المفقود
1/11/2009