مـــــــشــــــــارق ...؟؟؟

[صالح مصلح الحربي]

مساءكم / صباحكم ورد :



الاهداء لتلك الذكري من السنين ......... ولتلك المشارق........



سبعه و عشرين مرت كنها ليله


,,,,,, حسبتها صح او ما هيب محسوبه


مسرجه بالعنا اللي مرني خيله


,,,,,, ما قطرة الما بوسط الكف مقضوبه


هي جرح ٍ يشيلني هي جرح ٍ اشيله


,,,,,, كتبتها للشقا اوهي مكتوبه


يا طيب الايام لو ما تبدي الميله


,,,,,, ويا مرّ الاثام لو هي تبدي التوبه


ماينفع الحظ الاقشر زود تدليله


,,,,,, لا صار يخطي ووحدك تحمل ذنوبه


الجرح يجرح وانا امشيله بتجميله


,,,,,, واقول بنت الفرح عذرا ومخطوبه


اشوف لي بارق ٍ يمشي وانا امشي له


,,,,,, تو باذر العشب توّه منبته دوبه


رميت كل الرجا بالوادي وسيله


,,,,,, رجوي بدوي ٍ عليه يجر مسحوبه


ماباقي الا علي العطشان تحليله


,,,,,, رزق ٍ من الرب ليه الناس منّوبه


واللي يتشرّه ويرسل ليّ مراسيله


,,,,,, قل ضحكته يا طويل العمر مسلوبه


قل صوت الاحزان يعزف له مواويله


,,,,,, قلّه غدا خافقه طعنات وألعوبه


طالت وعرضت وهو يحايل محابيله


,,,,,, ومعزّب الجرح يوعد نوبه ونوبه


مــــــــــــــــشــــــــــــــــــارق........ مـــــــــشـــــــــارق .... مـــــــــــشـــــــــارق ....



مشارق العمر ترسم له مقابيله


,,,,,, وتقول وقت ٍ مضي يروح بغروبه


تجامل بكل ليل بحلو تقبيله


,,,,,, تصبح علي خير تهمس فيه بعذوبه


وينام ليله ويتناسي شقا ليله


,,,,,, وسبعه وعشرين ما هي منه محسوبه


.
.
.
.
.
.
.