ملح وقراح

[أحمد الشاوي]

هاجس(ن) باليل بي سج وسـرى
سارح(ن) في خافقي ولا استراح


ساكن(ن) جسمي ولروحي بـرى
غارق(ن) فيني بحر ملح وقـراح


آه ياضلـع(ن) زبنتـه لـي ذرى
آه يا حلـم(ن) تعـلا ثـم طـاح

لا انكسرلي حظ ضلعي يكسـرا
كنت احسبه في سما حزني جناح

كنت انا والويل من مبطي عشرا
لا ضحكت ولا زعلت ولا هو ناح

السهر والدمـع بالعيـن خشـرا
وين ما لديـت بأحزانـي تبـاح

لا رميت الحلم يرجع بـي ورى
وين ما أقبلت مـا فيهـا صبـاح