بس ..لو مرة بحياتك..يا حياتي..اتصل.. واسأل عليه!(قصيدة غنائية)

[سعيد الدوسري]

:079: :079:


إنت تدري عن فؤادي اش صار فيه ؟
والله.. ما تدري عن اللي صار فيه..
يا حياتي..ليه ما تسأل عليه؟

***

اللي في قلبي وفي قلبك ..محبة
والمحبة.. كيف ما تخطر في بالك
المحبة - يا حياتي- حاجه صعبة
حاجة أكبر من خيالي ،ومن خيالك

***


كيف خانتنا السنين؟
وكيف رحتي يا ملاك ؟
لو وسط قلبك حنين
كان خذتيني معاك

***

بعت كل الناس من شان اشتريك
وانت ما فكرت فيني.. لو دقيقة
ليش ما ترحم فؤاد اللي يبيك
اللي ضيع -فدوه لعيونك- طريقه

***

كل ما حاولت أنسى.. ما نسيت
وانت.. ناسيني على طول الزمان
بعد هجرك.. عشت تايه.. وانتهيت
صرت احس الدنيا ما فيها أمان

****

كيف تدري عن فؤادي اش صار فيه..
وانت ما تسأل عليه؟
الله اعلم.. يا حياتي باللي فيه..
بس ..لو مرة بحياتك..
يا حياتي..
اتصل.. واسأل عليه!

سعيد الدوسري:079:
Salam2602@hotmail.com