دوامه افكاري

[عبدالله العتيبي]

انا في مفترق عمري
وصلت آخر حدود التيه
انا ما جيت افتش
في عمر غيري عن احزاني
//
كشفت من الألم صدرن
تعب من كثرة التنويه
ومسحت اضلوع من
هامش ملفاته بديواني.
//
أثر ذكرى عبير الورد
في روح الغصن تبكيه
سألته ليه ما.. ادري
جوابه مثمر وداني.؟!!
//
حقيقة ما بقي للهم في
وجه الحكي تشبيه.؟!!
نسف كل اغلبه
وجهي من احياني
إلى احياني
//
وانا دوامة افكاري تصيب
القلب ما تخطيه
ثمان سنين امررها
وأشوف إنه تحداني
//
ولو ما للقناعة كنز
وجوع الذيب مايغنيه
تدور ايام هالدنيا
ولا فكرت ب اعواني؟
//
يقولون العمر صدفة
اذا جاب الفرح طاريه
وانا اقول الفرح
بالعمر ماشفته ولا جاني
//
برماد إحساسي الباكي
بحثت الجمر قصد احييه
وصاحت بي جروحن
مافقدته لجل تلقاني.