مصافحة أولى (النقيضتيـن)

[صالح المصرب]

السلام عليكم ورحمة الله وبركاته

اسعد الله اوقاتكم بكل ماهو جميل

سعيد جدا بـ انتمائي لهذا الصرح الشامخ بـ اعضاءه

اتمنى ان اقدم ما يشفع لي بـ التواجد بينكم فانا بين نخبة مميزة من الشعراء المبدعين

وكل الشكر لمن اوصلني الى هذا المكان.


(النقيضتين)




[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الا ياهاجس الماضى توحى واسمع اللي صار=واذا الغلطه لفت مني عسى الله يقطع لساني

انا طفلاً ولي كلمة تساوي بالرجال كثار=وانا رجلاً على قلب الطفوله عاش من ثاني

انا غربه على جال الاماني مالقت تذكار=وانا موطن حضن روح الغريب اللي تحراني

انا كلمة على همس الشفايف ما لقت تعبار=وانا جملة بـمنطقها كثير اللي تمناني

انا عمرن هدر نفسه ولا يرضى يطيع اشوار=وانا شور الحكيم اللي بيبطي ماتعداني

انا بحرن على موجه رسى الربان والبحار=وانا مرسى على بحر المعاني صعب تلقاني

انا اصغر درس يكتبني زماني مع دروس كبار=وانا اكبر علم ماتقدر تفسر بعض عنواني

انا كبوة حصان الفارس المعروف وقت الثار=وانا الفارس ولا حصـّل عدوي كبوة حصاني

صحيح الفلسفه صعبه عليك بنظرة التكرار=تفلسفها شياطيني وانا الطاروق شيطاني

بضاعة سوق ياالغالي ولا تمشي على التجار=على منشيتها واضح ترى الرجال خسراني

ترى ماكل من ينظم بيوته جالس الشعار=ولامن يمسك البندق يصير الاخ سقماني

ولا كل الطيور طيور .. ولا كل الحرار حرار=ولا من زل بـلسانه غدى من ضمن عدواني

تشوف انك تبي تتعب اذا تنوي تشب النار=لأن اسمي على مسمى وانا الميدان ميداني

انا صالح اذا تعرف وش اللي بآخر المشوار=حروف اسمي ترتبها عناويني وقيفاني

الى هالحين ما تعرف جنون الشعر والشعار=اظن اللي لفى كافي وصح القاف بلساني[/poem]

وسلامتكم

اخوكم/صالح المصرب

 

[عبدالإله العنزي]

صالح المصرب ..

اولا ً سعيد بإنضمامك لـ ابعاد ادبية ..

شاعر يستحق بكل تأكيد ..


غير مستغرب من صالح هذا الابداع والقادم اروع ايضا ً ..

فلسفة استمتعت فيها كثيرا ً لاني على يقين بأن صالح لا يكتب الا لـ الشموخ ..

نص رائع كـ حضورك ..

وحياك الله بـ ابعاد ..

عبدالاله العنزي

 

[جُمان]

يا صالح ..

حدّثتنا سماواتُ النّص أنَّ فجركَ يُطِل بالوثير من الشِّعر
وأنّ شمسكَ حافِلةٌ بضوءِ الجمال .. ودفء الحرف الجزل
وتَهمِسُ فينا بودقٍ قادمٍ أجمل


سأُهنِّئنا بحضورِك الأول
وسننتظِرُك كثيراً

مرحباً بِك بيننا في أبعاد
وأهلاً وسهلاً بِك


.

.

 

[خالد العلي]

صح القاف بلسانك
وصح كلك
،،
،
مرحبابك كثر المطر واكثر
اسعدتني جدا بمعانقة هذه الشامخه

،
لك من صميم القلب
كل الشكر

 

[بندر الخزمري]

ونعم يا صالح

صح لسانك
وسلم فكرك

أنظمامك لأبعاد يسعدنا حتى يتسنا لي قرأتك

تحياتي

 

[عطْرٌ وَ جَنَّة]

يُبشر بالمطر هذا الغيم المُتكاتِف الشِّعر
والأبيضُ التصاوير ..والمُرتفع جداً باحساسهِ ونبضهِ
والفخور بما وهبه الله من علو .

تُرحب أبعاد بِك يَاصالح ../أهلاً بِك
وَ ب الآتي معك من نُور

 

[نـــجد]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انا صالح اذا تعرف وش اللي بآخر المشوار=حروف اسمي ترتبها عناويني وقيفاني

الى هالحين ما تعرف جنون الشعر والشعار=اظن اللي لفى كافي وصح القاف بلساني[/poem]

كفيت وفيت وصح القاف بلسانك
وصح لسانك

وكل التراحيب بجنون الشعر والشعار

 

[ماجد العيد]

و الجميل إذ تلألأت يا صالح ..

و بالتأكيد صح القاف بلسانك بل استصح ّ أكثر بك ..

شكراً يا صالح ..