شكرا ً على كل الجروح **

[حمد الأسمري]

مساؤكم محبة وجمعة مباركة على الجميع يارب

نص للتواجد من أرشيفي

أتمنى أن يرقى للذائقة

********

شكرا ً على كل الجروح

عفوا ً وأقل من واجبك

مو عاجبك !!

صدقني هذي كلمته !

بانت خفايا نيته

مثلك تفاجئت بكلام

ما كان ودي أسمعه

مثلك توقعت الغرام

ماله وجوه وأقنعه

صديت عنه بنظرتي

ما ودي يلمح دمعتي

وأخذت ما خلاه لي ..

من كبريائي أجمعه

يا قسوته .. ياااااا قسوته

مشيت ..

في دربي وحيد

عَكْس اتجاهات الخُطى

والجرح

يصرخ من بعيييييييييد

إلى متى وانته خطا ؟

وش حيلتي ؟

أبغى أحب

وألقى ناس تحبني

وش حيلتي ؟

وفيني قلب

وحشة عروقه تهزني

من حقهااااااا

تشعر بإحساس الغرام

من حقها

تبحر مع طيف الهيام

تسأل مراكب حلمها ..

وين الضفاف ؟

في وقت من ظلمه ..

غدا ظلمه يخاف

طال انتظاري للهنا

والفَرْح طالت غفوته ..

يا قسوته

يا قسوته

يااااااااااا قسوته ..