حلـــم الفقير...

[أحمد المعمري]

حلم الفقير

خذني ادور للبـــــــــشر انــــــــسان غير
في وقت ماتـــــت فية صـحوات الضمير

خذنـــــــــي لك العــــمر ان بغيت ودنيتي
دامي تعبت اعيـــــــــــشها حلم الفــــــقير

مشيت ادور للـــــــحلم أخــــــــــــر أمل
واجمع شتــــــــــاتي لجل ابقـــى للاخير

نسيــــت اني قد مشـــــــيت بدايـــــــــرة
اسير لكن ليتـــــــــني ما كنــــــــت اسير

زرعت حـــــــــلمي اسفل الغيم ونطرت
وراح ســـــــــــرب الغيم وارماني كسير

ما حـــــــــــس جرح بشخص رحبه سنة
ولا استــــــحى وقفى من الصدر المرير

ولا صــــار حزني ( يم ) وهمومي بحر
ليــــــش اتشـــــــاور بينهم ثم استخير؟؟

حرضت ( فكر الورد ) عالعطر ونسيت
عمـــر الورد ما ضــــاق من ريح عبير

كبلنــــي الــكبر وسهــــــــــيت بلا وعي
سيرت ذاتـــي وما حسبـــــت اني ضرير

مثل الـــــــــذي يستـــصغر الغير ان بعد
حلق ومهـــما طار شــــــــــافونة صغير

نامـــــت حـــــــكاية وما خذيت اللي ابي
الا خلاصــــــــــــــة ســــر ما لملمه بير

مو شـــــرط ضــــحكي يعتبر ناتج فرح
كم واحد(ن) ضـايق وهـــــو لبسه حرير

ومو شــــرط لي جنــــــحان واحلق بعيد
كم طير له جنـــــــحان ما يـــــقدر يطير

في دنية(ن) مــــا قدرت شــــــايب هرم
يعني تقدرنـــــــــي وانا تــــــوي صغير

ف اما افــــــوز ويحتـــــفون ف بصمتي
واما امــــــــوت وما دروا عـــــــني كثير