مشاركتي الأولى : الحبر دمع القلم .. والطرس خدّينه .~

[شـُمـُــــــوْخ]

تعال شف حزن قلبي ! كيف بغيابك
وشف دمعة الحزن ! كيف تسيل .. من عينه

كنـّـــه يسولف عن اهدابك ! من اهدابك
ويصفق يدينه على ذكراك بـ آيدينه

يتذكــّرك في تلبـّـآك .. ! وترحـّـابك
تبني قصور الغلا من طوبه وطينه

واتذكــّر فـ كل ما اغفى فيك .. واصحا بك
وشلون تزرع ورودك .. في بساتينه

بكـّـيت حتى القلم كلــّه من اسبابك
والحبر دمع القلم .. والطرس .. خدينه

تعال واحيي هشيمٍ كان يحيابك
وأجمع بيدّك شتاتٍ يسألك .. وينه ؟

جَــمـَّـع هقاويه .. في حظه ولا جابك
يالي من انفاسك أدواه وفتامينــــــــه

شف ليلي الي من أوّل كان يحلابك
وشلون جور الحزن شـوّه مضامينه

والصبح في كل يوم اسمعه .. يغتابك
ويطعن بظهر الأمل لا حدْ سكـّينه

والبرد ينهش شعورٍ كان يدفى بك
والغيم كَنْ بين قلبي حاجه .. وبينه

لا هلْ همّـال ماطرها .. على بابك !
تجاذبه دمعته ,,! وتجاذبه عينــه




بكل ود،
من دواعي سروري وفخري بعد الانضمام اليكم ان تنال مشاركتي الأولى على استحسانكم.
تحياتي...
...... شــُمــُـــــــوْخ .~ [/size]