الــقــدْر لـلـحـطـاب والــلــوم لــلـفـاس

[علي القرني]

اللهم صل على محمد وعلى آله وصحبه أجمعين


جديدي / الــقــدْر لـلـحـطـاب والــلــوم لــلـفـاس
وكل عام وانتم بخير



تـرثـي الـنـوارس يـا حـمد طـير قـرناس
لا قـرنـست طـيـر الـوحش يـد خـاسـي

ضـيـم الـمـروءه يــوم بـالـخبث تـنـداس
يـاشـيب قـلـبي قـبـل عـيـني وراسـي

وش عــاد لـونـال الـقدم قـيمة الـراس
مــاعـاد تـفـرق فــي عـيـون الـمـآسي

حــظ الـوفـا والـطـيب يـاجـوهر الـمـاس
حـــظ الـمـراكـب لأنـكـرتـها الـمـراسي

الــقــدْر لـلـحـطـاب والــلــوم لــلـفـاس
والــمــوت لـلـنـخله بلــحـد الـتـنـاسي

مــن كـثـر هـالألـوان فــي وجـه كـراس
مــاعـاد امــيـز فـضـتي مــن نـحـاسي

وان جـيت اهـل الصبر في مهمه الياس
كـــدر نــقـا كـاسـي هـمـاج الـتـباسي

فــج الـوسـيعه تـخـنقه ضـيـقة أنـفاس
وآ فـــر مــن سـجـني يـزيـد احـتـباسي

يـابـحر تـشـبه نــاس أو تـشبهك نـاس
مـلْـمس حـريـر وداخـلـك قـلب قـاسي

مدري أنت بطش كليب أو غدر جساس
أزريــت أحـلـي مــاك واشــرب يـباسي

يـا نـور لا يـشكي صـفا طـرفك إعماس
مـــن قــامـت الـدنـيا تــدور الـكـراسي

ثـوب الـكبر الـي على فـقر الأحـساس
مــاهـوب من طبعي ولا هـــو لـبـاسي

أخــتـرت رث الـطـيـب ومـحـبـة الـنـاس
هـــذا يـنـاسـبني .... وهــذا مـقـاسي

وان ضـامـني وقـتـي ونـاسـه فـلابـاس
مـبـنى الـتـطبع هــش والـطبع راسـي

وان مـابـكـاني غــيـر حــبـرٍ وقــرطـاس
تـزرعـني الـذكـرى عـلـى بــال نـاسي

لــذْت بـعـظيم الـحـول والـطول والـباس
الّـــي يـــزول بـرحـمـته كـــل بــاسـي

أسـألـك فــي الـداريـن خـيـرٍ ونـومـاس
يــامـحـي بـرحـمـتـك قــفــر وأنــآسـي