كل ماحل المساء

[عبدالعزيز الرميحي]

للشوارع وجه متغير ووجهك ما تغًير !
لك وسط قلبي وعيني ذاكرة عطر وخميله
الزمان المُر يطْول والحلو دايم [ قصيّر ]
وانتي الأيام لو زانت بجياتك قليله
اذكر الأيام يوم اتقول لي طب 'وتخيّر
مالفت قلبي وعيني غير حسنك ياجميله
كانت اللحظات واوقات الفرح تشبه قصّير
شهر لكنه سريع وغيره ايامه طويله
وانصرم ذاك الزمان ومر والبال امتحير
ليه نبعٍ يروي عروقي يشح بسلسبيله !
كل ما حل المساء والليل في نفسي مجيّر
هم وبعيني سهر والجفن لو ميّل يشيله
الهنا من يوم غبتي من قفص صدري مذيّر
مثل قمرية حداها الخوف عن غصنٍ تجيله