( رغوة الشمس )
وجه التراب اللي شرب رغوة الشمـس
غيـر تقاسيمـه صهيـل الغمـامـه
كان الامل بذره وكـان الرجـا دمـس
وكان التعـب فـلاح يلبـس عمامـه
وكنت اهتني بالورد في حضرة اللمـس
وكنت اعتني بالبـرد واركـب سنامـه
واليوم هاجم صفحتي مخلـب الطمـس
وتناثـرت منهـا فـروخ الحمـامـه
جاني من الذكرى على مجريات امـس
يزرع تفاصيـل الشقـا فـي عظامـه
جاني وانا احفر في رماد الحشا رمـس
للمجـد وظنـون التـرف وانهـزامـه
قلبه على نبض الوله منحمس حمـس
ودمعـه يسابـق فالمحاجـر كلامـه
قال: انتظر ,, قلت: العفو خاطري عمس
والله يشـتـت شملـنـا بالسـلامـه
واللي خلق دنياك وفروضـك الخمـس
ارحـل وخـل الليـل يطـرح ظلامـه
خلك بعيد ويكفي نعيـش فـي همـس
انتـه وانــا مانلتـقـي والمـلامـه
مثل القمر لويحتري رجعـة الشمـس
يمكـن مـن الرجعـه تقـوم القيامـه
:
:
آخر المشاركات
04-03-2007, 10:30 AM
((( رغـــوة الشمــس )))
العرض الشجري