مصافحه اولى (كانك تحكم ضميرك )

[عبدالمحسن العتيبي]

بسم الله الرحمن الرحيم


في البدايه اشكر من قام بدعوتي من ادارة المنتدى لكي اكون بينكم

واقدم لكم اول مصافحه اتركم معها

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ما احدن قدر يستوطن القلب غيــــرك = وما احدن قدريستعبده غير ذكراك

في واقعي عانق مصيري مصيرك = وهربت في عالم خيالي ونا القــاك

شفني ونا الي في فؤادك خشيرك = بكذب عليك ان قلت لك ما اقدر انســاك

لوني غريقن بالهوى وسط بيرك = تقتلني العزه ونا ما اترجـــــــــــــاك

حتى لو اني جيت لك وستشيــرك = وسألك من باب العتب عن سواياك

لا تفهم اني من غلاك استجيرك = ولا بموت ورحمتي تحت يمنــــاك



ابسألك كانك تحكم ضميــــــرك = هو فيه غيري مثل ما اعطيتك اعطاك

ان كان غيري شم نفحة عبيرك = ما هوب مثلي واعترف وتحداك

كانه سمع بين المحاني زفيــــرك = او حس في همس الحنين بشفاياك

او قال فيما تشتهي هد طيـــرك = ولا كتبك مع القصيده وغنـــــــــاك

بها السهوله صرت تنسى عشيرك = وتزيد في عالم صدودك وجفــواك

يعني عشاني بالهوى صرت اسيرك = تخطي وتزعلني واجي وترضاك

ولا عشانك بالنواظر وديرك = واليا طلبت الي تبي قلت لك جاك

عايشت شرك قبل لا اشوف خيرك = وعرفت فيك اشياء من الفك الي ياك



عرفت بردك قبل لا اعرف هجيرك = وعرفت دمعك قبل ضحكة ثناياك

لمعة سرابك قبل صافي غديرك = خلتني اجوعك من البعد وضمـــاك

بذكرك بيام ما كنت اميـــــــرك = من شان لا قفيت تعرف خطاياك

يوم الهوى عذري وكلش يثيرك = قلي وش الي في حشا الصدر بكاك

نسيت دمعك يوم جـــــــرح نظيرك = تبكي على فرقاي وابكي لفرقـــــاك

شفت الزمن وش لون غير مسيـــــــــــــرك = صرت الغريب بدنيك وتمنـــــــــاك

لكن مع الايام لو شفت غيرك = اجيه لو يستوطن القلب ذكراك

حتى مصيري لو يعانق مصيرك = ما ودي اهرب مع خيالي ونا القاك[/poem]

 

[جُمان]

عبد المحسن العتيبي

حضورٌ أول شفاف وجميل
يَهمِس بقادمٍ أجمل
عذبٌ جداً

ثمّ ..
مرحباً بِك في أبعادنا
وأهلاً وسهلاً بِك

.


.

 

[عبدالمحسن العتيبي]

المشاركة الأصلية كتبت بواسطة جُمان

عبد المحسن العتيبي

حضورٌ أول شفاف وجميل
يَهمِس بقادمٍ أجمل
عذبٌ جداً

ثمّ ..
مرحباً بِك في أبعادنا
وأهلاً وسهلاً بِك

.


.

الاجمل حضورك وصح لسانك


من الود اجمله

 

[عبدالله العويمر]

الحب وعزة النفس اجتمعا هنا



عبدالمحسن


أهلا ً بك في أبعادك ياعزيزي




حضور ممطر

















عاطر الود

 

[محسن الشاهر]

اهلا بك يا عبدالمحسن في ابعاد

التي تفتح لك ابعادها في كل اتجاه


وشكرا لهذا الحضور الرائع والجميل


استمتعت كثيرا بإبعاد هذا النص


لك التحية وانتظاري لجديدك


تقبل مروري

 

[عبدالمحسن العتيبي]

المشاركة الأصلية كتبت بواسطة عبدالله العويمر

الحب وعزة النفس اجتمعا هنا



عبدالمحسن


أهلا ً بك في أبعادك ياعزيزي




حضور ممطر

















عاطر الود

الحضور الممطر في حضورك

صح كلك لا عدمتك

دمت بود

 

[قايـد الحربي]

عبدالمحسن العتيبي
ـــــــــــــــ
* * *


كُلّ الترَاحيبِ بكَ ،
وَ أهلاً وَ سهلاً بكَ في أبعاد .

سنُوعَدُ بالجَمال في حضْرتكَ ،
كمَا هوَ جمالُ حضورك الآن .

:

شُكراً لكَ كثيراً .

 

[عطْرٌ وَ جَنَّة]

[ عَبْد الْمَحسن الْعَتيبي ]
ضَوءٌ وَ وَضُوء ..وشِّعرٌ شَفيفٌ مُنْسابٌ كَ نَهرٍ عَريق .
رَبيعٌ حُضورك ../ أهلاً بِك