والله مـــــدري ..!

[ندى الجبر]

"

- اعترافنا بأنَّنا لانعلم .. قد يشفع لنا أحياناً ..!

- والله مدري ..!
غير إنّ الليل أرْهَق
مع غياب العذر ( صَبْري )

والله مدري ..!

وش حكينا للغياب ،
وللسنين الماضيات
و جَت تِهَذْري .!

قامت تسولف علينا ..
تحكي كيف احنا هوينا
من عذاب الشوق :
لييييييين الشوق صاح
بهالصباح
وقال : بدري .!

{
و كيييييف كنّا ..
نستثير الصمت
ف عيون الكلام .. و إسْتحاله
إسْتحاله ..
مايبوح لْنا الكلام ونبتسم
و يطيب فاله ..

وكيف كنّا
من الكلام /
تحيط فينا بأروع الإحساس ( هاله )
وكيف كنّا
نرسم الحبّ بأماني غايمة ..
نرجي وصاله ..
واسترحنا
من تعبنا ..
كم سهرنا ..
كم ضحكنا
والتعب يرْخِي حباله .!
}

- والله مدري ..!
يا حسافة حلْم ..
غنَّتْه الأماني
يسمعه طاري الأسى
ويقول : أدري

أدري إنّ الحلم لو طااااااااار وتعلّى ،
جاه وقت و طاح
ياتحقّق .. أو هو راح ..
آآآخ منّه ،
وآآآآخ منّك ياالجراح
وآآآآآخ ليته قال مدري .!

وليتي أدري ..
بس أنا :

والله مدري
غير إنّك
كنت الأول والأخير ..
نصفي الثاني و كِلّي ،
ابتدائي وانتصافي وَ النهاية ..
غافيٍ حبّك ف صدري


والله مدري .!
ويش أسوّي
لاابتسم داعي الفراق ،
هَبَّت الفرقى حسافة
يتبع الفرقى انعتاق
وصار كلّ اللي أخافه ..
وصار كلّ اللي أخافه ..

وضاع من يدّيك " عطري " ..!



والله مدري ..!

*نَمْ حبيبي :
باقي فصل من الحكاية ..
تب تعلّمك الظروف
وباقي القصة بِ تُسْرَد
راح تدري وراح تفهم ..
راح تعتب ..
بس تكفى
لاتصير بخاطرك مرة وتزعل ..
إعذر احساسي وتذكّر ..
بس تذكَّر :
إني مرة قلت ( مدري ) ..!

لنواظرٍ طَلَّت هنا - -







.

 

[عياد ثاني]

نديّه هذه الجميله وجميل هذا الندى

ندى الجبر تكتبين القريب إلى القلب لذلك كل ماتكتبينه قريب من القلب

صح كلك

.

 

[ندى الجبر]

المشاركة الأصلية كتبت بواسطة عياد ثاني

نديّه هذه الجميله وجميل هذا الندى
ندى الجبر تكتبين القريب إلى القلب لذلك كل ماتكتبينه قريب من القلب
صح كلك

.

صَح قلبك أخي عيَّاد ..
و اقتراب ماأقترف من قلوبٍ كـَ تلك ..
أمرٌ يستوجب الشكر والحمدلله ياعياد ..

بكَ أسعد دوماً ياأخي ، وبتواجدك أحتفي ..
جزيل الشكر ..

 

[أمجد الناصر]

ندى الجبر
رائعة كعادتك
كل الشكر والتقدير

 

[ندى الجبر]

المشاركة الأصلية كتبت بواسطة أمجد الناصر

ندى الجبر
رائعة كعادتك
كل الشكر والتقدير

الأروع تحليق البياض على الدوام بالقرب أخي امجد ..

لكَ شكري وامتناني على كرم التواجد ..
تحية طيبة ..

 

[ثامر البلوي]

*

ألله مآأعذبك وأروعك يآندى
ملئتي فجوآتنآ بـ الورد / الشعر

(: -

 

[ندى الجبر]

المشاركة الأصلية كتبت بواسطة ثامر البلوي

*

ألله مآأعذبك وأروعك يآندى
ملئتي فجوآتنآ بـ الورد / الشعر

(: -

وَ ملأ تواجدكم ياثامر فراغات هذا المتصفّح بالودّ وَ البياض ..
شكراً كبيرة ياأخي ..

أنرت المتصفح

 

[بندر الخزمري]

ندى الجبر


هذا النص قرييييب لحد كبير من قلوبنا
سأحتفظ به في ملفاتي للعوده اليه

ولكي مني فائق التحايا والاحترام