عـنـــد الـبـاب

[رجا المريخي]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا وصويحبي شعري وقفنا الليوم عند الباب = وجينا بالقصيد الي على كيفك تخبرينه

طلبنا عينك النجلا عسى مايهون لك طلاب = دقايق بس من وقتك ياعمري لاتردينه


أنا ماكان لي جيه ولاكن هالشعر لي جاب = لحوح إن كان له حاجه على خبرك تعرفينه

يبي منك دقايق بس يقول إبخاطره إعجاب = يقول الليوم هو مبسوط رايق لاتزعلينه

تعال وقول سمعني زمان الفرح شفته غاب = يشعري والله من إسنين ماندري الفرح وينه

تعال ولاتخليني ترى يكفي غياب أحباب = أنا أدري بعدهم قلبي ذبل في صفحة إسنينه

أعرفه شعري الصادق أعرفه ماهو الكذاب = أنا أدري لابدا يقصد يهل الدمع من عينه

تعود عالحزن دايم يشكل فيه كالجلباب = يعرف الحزن بأنواعه عرف زينه عرف شينه

إذا جينا على الفرحه نمر وكننا الأغراب = وإلى من نوخت ذيك الركاب الحزن داعينه

أشوفك ياشعر سجيت كنك للحزن طلاب = ونسيت الي لهم شعرك كتبته وقلت يازينه

أنا آسف نيابه عنه لاتزعل ولا ترتاب = حياتي لو خذا من وقتك الغالي تعذرينه

وأنا آسف على هذا الوقوف إن طال عند الباب = أبي منك السموحه لي ولشعري ودواوينه

أنا أدري ودك بتسأل قصيد الحب وينه ذاب = أشوفه ماكمل هرجه عن الإعجاب هو فينه

أنا ماقلتلك شعري من أول ماهو الكذاب = تبينه يكتب الفرحه ودمعي غارق بعينه [/POEM]

 

[شــمــ نـجـد ــس]

:

تعال ولاتخليني ترى يكفي غياب أحباب
........... أنا أدري بعدهم قلبي ذبل في صفحة إسنينه

أعرفه شعري الصادق أعرفه ماهو الكذاب
.......... أنا أدري لابدا يقصد يهل الدمع من عينه

:

عذوبه الشعر تستنطق .. قصيدة تحتلنا بحرفها الأبيض ..

الشاعر رجا المريخي . .

شكرا لك وللبصُبح ..

 

[رجا المريخي]

المشاركة الأصلية كتبت بواسطة شــمــ نـجـد ــس

:

تعال ولاتخليني ترى يكفي غياب أحباب
........... أنا أدري بعدهم قلبي ذبل في صفحة إسنينه

أعرفه شعري الصادق أعرفه ماهو الكذاب
.......... أنا أدري لابدا يقصد يهل الدمع من عينه

:

عذوبه الشعر تستنطق .. قصيدة تحتلنا بحرفها الأبيض ..

الشاعر رجا المريخي . .

شكرا لك وللبصُبح ..

أهلاً بك أخيتي وبهذا المرور العذب

إحترامي وتقديري

 

[اورنس الهذال]

الله عليك يارجا

رائعه بحق

سلم هذا البوح

وصح لسانك وعلا شانك يالغالي

بإنتظار القادم بشوق

دم بخير

 

[رجا المريخي]

المشاركة الأصلية كتبت بواسطة اورنس الهذال

الله عليك يارجا

رائعه بحق

سلم هذا البوح

وصح لسانك وعلا شانك يالغالي

بإنتظار القادم بشوق

دم بخير

صح الله بدنك أخي العزيز

مرورك فخر طال عمرك

إحترامي وتقديري

 

[سلطان المسلط]

تبينه يكتب الفرحه .. ودمعي غارق بعينه

الله عليك يارجا .. ما أقول الا .. صح كلك

وشكرا على هالابيات الجميله

مودتي

سلطان المسلط

 

[العـنود ناصر بن حميد]

رجا المريخي
تجعل من الحروف .. سنابل
صح قلبك
ودمت بخير

 

[رجا المريخي]

المشاركة الأصلية كتبت بواسطة سلطان المسلط

تبينه يكتب الفرحه .. ودمعي غارق بعينه

الله عليك يارجا .. ما أقول الا .. صح كلك

وشكرا على هالابيات الجميله

مودتي

سلطان المسلط

أهلاً بك أخي العزيز وبهذا الحضور العذب

إحترامي وتقديري