إحساس يــ غ ــمر الأنفـاس

[رزان العتيبي]

براويز الصور ملّت تزيّف واقع الأوهام
ـــ تداري وسطها كذبٍ تعب هذا الخشب يحويه

 

[رزان العتيبي]

هو صحيح إنك نسيت أيامنا { وهانت عليك
ـــ هو صحيح إنك " أناني " وماتحب إلا أناك

كم رجيتك تحتريني في متاهاتك بجيك
ـــ بترك إحساسي بقربك بس لاتبعد هناك

 

[رزان العتيبي]

..][,, يالشتاء قلّه أنا بحاجة دفاه ,,][..


أحببت توثيقها هُنا أكثر ل/إنتشارها الواسع

 

[رزان العتيبي]

يبه شفني .. على كفّ الغيوم أنقش تفاصيلي
ـــ حكايات الكِبر .. بيت العمر .. معزوفة أحلامي

أغاني شوق .. تنهيدة شقاي .. وفلسفة ليلي
ـــ طريق الّتيه .. نبضات القصيد .. ومُعْجَم أوهامي

تسللت الأمل ظميا .. أبروى من تعاليلي
ـــ وأثاري هالظّما أفضل .. من إنّي أشرب أيامي

بنيت الحلم من تربة خفوقي .. وإنهدم حيلي
ـــ سرقت الخوف من محجر عيوني .. ضاق هندامي

أرتّب مكتبة عمري .. وتَنْفضها مناديلي
ـــ يطير غبار يخنقني .. ينخّر [ حزنة ] عظامي

 

[رزان العتيبي]

يالشتاء للحين مافكر يجيّ
ــــ ماهو داري إن قلبي يحتريه

يالشتاء حتّى ولايسأل عليّ
ــــ يالشتاء قلّه أنا أحبّه وأبيه

 

[رزان العتيبي]

لمحته فـ آخر المجلس بسرعه مامدا أحكيه
ــــ وغمّضت الجفن بالحيل مابي صورته ترحلّ

ركضت لغرفتي خجلى أهذري فيه لا مو فيه
ــــ ولكن كلّ تفكيري بشكله [ كيف ] متبهذلّ !

ياويلي حالته حاله أنا ودّي أعرف اشفيه !
ــــ علام الحزن مستوطن عيونه .. باديٍ يذبلّ

 

[رزان العتيبي]

سواليف الصّبح نامت وهي تنطر مواعيدك
ــــ أمانه كان تقراني .. تعال وصحّها فيني

 

[رزان العتيبي]

لوّ أهمّك !
ماتركت الليل يتباهى بطعوني ..
لوّ أهمّك !
ماتركت الآه تطرحني ورق ..

مدّ كفّك للمواجع ..
وإنسحب منّي بدوني ..
بسّ لاتفكّر تجيني ..
وإنسى كلّ اللي مرق ..

لك أنا كلّي ولكن ..
إستحت منّك ظنوني ..
يعنّي أخرة المحبة ..
قلب عاشق ينسرق ..

من تباريح الأماني ..
طاح حلم وفزّ كوني ..
بعثرته الريح ..
كذبه حول قلبي وإحترق ..

شف طريقٍ غير دربي ..
لا ولاتقرّب عيوني ..
اللي جاني مِنْك يكّفي ..
لاغرب بي ولاشرق ..