[ .. غـن لا ضاقت عليك الوسيعه غـن .. ] .. !!

[نايف البلوي]

حبيبي لا تعذر .. ماعلى صدق الحبيب جدال ..
رضت عنك العيون ,, وهاك قلب فز بأعشابه !

هلابك وين مايشرق نظرك الناعم القتال ..
هلابك وانثنى غصن الزمان وطار باسرابه !

انا الي سلمك قلبه دلو عشق وغلاك الجال ..
وتليته بحبل من جفاك وضاق بأسبابه !!

أحبك كثر ماينسى زمانه مستريح البال ..
وأحبك كثر ماقلب المسافر حن لترابه !

 

[نايف البلوي]

رهنت لغيبت ظل نحيل ,, ودمعتين ,, وباب ..
على قلبي قفلته .. والوفا همه ومفتـاحه !

تفضل نعمة النسيان ما ابغى لابتعدت اصحاب ..
عطاياك القديمه والجديد الياس وارماحه !

بقى طيف باحرسه في عيوني لك عليه اهداب ..
ولاني حاجبه ,, ياوجهته لاهداك مرواحه !

خلص كل الكلام اهديت لك لون الوداع اخضاب ..
مهر كف دفاها من عذاب مصافحي رااحه !

 

[سكون]

من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجـاع .. وفـارق احبابـه شجـاع


فهد المساعد

 

[عوض احمد]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""


]أسأليني قبل تجرحك الظنون = واسمعيني قبل يتعبك الغضب
أدري باللي فيك يالقلب الحنون = النوايا بيض والغيرة تعب
علميني كيف من حبك يخون = كيف أخونك وانتي من نفسي أحب
خاطرك غالي وحبي لك جنون = والعمر ما بين رمشين وهدب
همك اللي ذاب في سود العيون = صدقيني ما له بقلبك سبب
ما سواك أحدٍ على روحي يمون = وما سوى حبك على قلبي انكتب
ما نشدت الشمس بعدك وش تكون = وما سألت الريح من وين المهب
عاتبيني حب والدنيا تهون = وش هو أحلى من الرضا عقب العتب




[/poem]

 

[عهود الحمد]

الفرحه اللي عابها ضـيق خـلقي
.......... مثل البخـت ما ينفعك دون توفيق!

(فهد الغرير)

 

[عهود الحمد]

ماعاد تفرق خذاك الوقت أو جابك
.......... في الحالتين الموت أقرب من ظلالي !
أما بموت من الوله لاطول غيابك
.......... ولا بموت من الفرح لا شفتك قبالي !

(فهد عافت)

 

[عهود الحمد]

فراحي بصدري قطيع أغنام عاشت في حصار
............... والهم ذيبٍ لاعماه الجوع حوّل لغنمي
يا امّ الخطا ماعاد ينفع للخطا ردّ إعتبار
............... وانتي خطاك عروقه بصدري وشوكه في فمي
أكثر هزيمه توجع الإنسان بعد الإنتصار
............... وأكبر قهر لاصار باللي يطعنونه يحتمي

(فيصل ال سواط النفيعي)

 

[صالح العرجان]

إن غبتَ شرّفهُم غيــــآبيَ بَـ / مكـــآنيَ
و إن جيت , تكفيَ جيّتي تكسر الصلب !