موبايلي

[حمد الضوّي]

<الفارس>اللي تذكري جبته وبدلت <الزعيم>
حتى الشريحه من < سوا> قلبتها <موبايلـي>
/
\
قالولي النحس بيـزول قلنـا نجـدد فالقديـم
أستغفـر الله مابـقـى الاّ ابـدّلـك هـلـي
/
\
واستبشر بوجه الفلك واقول وضعي في السليم
القوس دربه للدلـو وضعـي بيصبح(فللـي)
/
\
يتيم انا في غيبتك حنّـي علـى قلـب اليتيـم
اللي من جروح الدهـر بالهـم قلبـه ممتلـي
/
\
اوعاشقٍ له بالهوى..خفـوق ٍاشبـه بالحطيـم
أقصى طموحه بالزمن..يبكي على قلب ٍ خلي
/
\
كريم في حبي وانـا مابيلـك القلـب اللئيـم
أعطيك دام الله عطى وانتـي بعـد تستاهلـي
/
\
أشتاق لك شوق الفطيـم لياطـرت ام الفطيـم
وآرد على عدّك ظما واقـول انتـي منهلـي
/
\
تطري علي ايامنا والوصـل فالليـل العتيـم
واسترجع الذكرى غلا..لا والله افليها فلي
/
\
لامن امرتيني اصدّ..واقـول ماتامـر حريـم
وتهددينـي بالزعل..واقـول كيفـك ازعلـي
/
\
ماهوب حب ٍ للزعل والله وحـده بـي عليـم
عشان اجيلـك واعتـذر واقـول يالله اقبلـي
/
\
لاتبعدين بغيبتك للشـوق فـي قلبـي جحيـم
عمرك سمعتي ادمي دمّه وصل حد الغلـي؟؟
/
\
من كثر مانـا أعشقـك يابنـت والله العظيـم
اليا سألوني عن هلي..انسى واعدّك مع هلـي